匿埋 10個月　梁洛施李澤楷東京造人 face 週刊 182期 @ 娛樂八掛大分享☆

日本機場獨家
14/11　 2:00pm
為襯番 44歲小小超， Isabella刻意作成熟打扮，頸鏈都冇條嘅佢，即使素顏都非常見得人。"
封面
匿埋 10個月　梁洛施李澤楷東京造人
2010年11月17日
自從今年 1月忽然現身鄭秀文紅館演唱會後，超過 10個月未曝光的 22歲梁洛施（ Isabella），據知一直匿在加拿大多倫多做湊仔婆，間中亦只會飛到新加坡小住，再沒被傳媒發現，行蹤神秘。
深閨唔出街，但本刊上週目擊 Isabella出現日本成田機場，據知 Isabella剛在東京陪完李澤楷度過 44歲生日，兩人撇甩 3個囝囝玩足 6日，直至週日（ 14日） Isabella才獨自由日本飛返加拿大，繼續其低調生活。
由英皇小花變千億闊太，飛上枝頭的 Isabella卻全冇「架子」，全程冇保鑣冇助手跟身，行李更要自己推，樸實性格絕對符合李家低調作風。
互動片段

梁洛施孤身現東京

今年 6月再度為男友李澤楷誕下一對孖仔的梁洛施，週日（ 14日）於日本時間下午 2時左右現身東京成田機場。當日 Isabella只由司機接載到機場，素顏冇化妝的她，一身 OL恤衫冷外套打扮，只簡單戴了一對珍珠耳環，手上亦冇任何戒指。
低調最好！設計對白
已為三子之父的李澤楷，仍然為女友安排 6日的東京甜蜜之旅，浪漫到暈！

揸特區護照
長居加拿大嘅 Isabella，仍然揸緊特區護照，未有入籍加國。

喪撩地勤
Isabella check-in時同地勤人員雞啄唔斷，而且全程笑晒口，點睇都唔似忽然升呢嘅闊太。

當眾除靴
落車後，乘搭 5時 10分直航往多倫多的 Isabella，獨自推行李車 check-in，但搵極都搵唔到加拿大航空櫃位，惟有迷惘地在機場兜圈；擾攘十幾分鐘， Isabella才在加航櫃位 check-in。記者所見，冇帶黑超、打扮比起一般 22歲港女老咗 10年的 Isabella，與地勤人員有講有笑，態度非常友善。
辦完手續後發現有記者追訪， Isabella亦沒有迴避，邊微笑邊行向保安檢查，更當眾除低黑色 Gucci長靴過關。手持 iPhone 4的她不時玩電話，未知是否向小小超報告行蹤。
狂篤 iPhone
Isabella排隊等入閘時 iPhone唔離手，就算攞住護照機票同件大褸，都要用單手密密篤，勁沉迷。

迷失東京
冇保鑣同行， Isabella惟有靠自己，結果頭岳頁岳頁四圍搵登機櫃位，更行錯幾次路先搵到。

谷奶巨躉
生完三件，身材有前有後好生養的 Isabella， 5呎 6吋半高着上 2吋踭長靴，又要推行李又要搞手續，攰到頻頻捽眼。

除靴過關
雖然李家身家過千億，但 Isabella同普通市民一樣要當眾除長靴接受安檢。

「孖仔身體好好」
久未公開露面的 Isabella對住記者非常淡定，雖然唔太肯答問題，但全程保持笑容，臨走前更禮貌地揮手道別。
F：《 FACE》　梁：梁洛施
F： Isabella，企定影張相得唔得呀？
梁：唔影喇！
F：同 Richard玩咗成個禮拜好開心喎！家飛去邊呀？
梁：……（繼續保持微笑）
F：孖仔改咗名未？身體點呀？
梁：好呀！走喇，拜拜！（主動揮手）
飛勻三國
加拿大
在多倫多生活的 Isabella，平時除了湊孖仔外，亦會進修英文，務求拉近同小小超的文化差距。

新加坡
為避開香港傳媒，於新加坡有生意的小小超，在當地買了大屋給長治入住， Isabella不時要飛去照顧大仔。

日本
曾經同日本 NHK主播真正加留奈拍拖的小小超，經常要留日處理電盈業務，身為女友的 Isabella間中會到日本陪伴男友。

趕生兔女
提起孖仔即刻開心晒，據知已有 3子的 Isabella同小小超冇打算停手，希望繼續有仔趁嫩生。
「 Bella同 Richard好鍾意小朋友，加上 3個仔得意又好湊，幾個細路又氹得爺爺好開心，搞到佢兩個心郁郁想追多幾個！話晒 Bella都係得 22歲，就算生完 3件都復原得好快，所以佢哋呢排好努力造人，今次去日本都專登撇低囝囝二人世界，仲話最好可以追到個兔女！」 Isabella身邊人透露。
消息透露， Isabella現時與一對孖仔長居多倫多，歲半大仔李長治則住在新加坡，而小小超就多數留在日本的電盈工作，所以 Isabella經常要幾邊走，偶然先會返香港小住幾日探朋友。
變鳳凰
'10 1月 casual look
Isabella今年 1月秘密返港睇 Sammi尾場演唱會，打扮隨意嘅佢睇到拍晒手，極之投入。《蘋果日報》圖片

11月 OL look

'02讀到中一
來自單親家庭的 Isabella，在澳門三育中學就讀，但中一都未畢業就離校輟學。《蘋果日報》圖片

'04妖后露底
04年初出道的 Isabella，於迷你演唱會表演時不慎露底。《蘋果日報》圖片

上艇陪玩
Isabella（左一）曾經被傳媒影到同其他英皇小花，上老闆楊受成隻遊艇金公主號玩通頂。《壹週刊》圖片
2億行宮
誕下孖仔後， Isabella曾表示「家依然係梁小姐身份」。雖然未正式娶女友過門，但一直想全家人齊齊整整生活的小小超，上年已叫人為其石澳超豪木屋趕工裝修。 94年以 1.2億買入的大宅，買地加裝修要接近 2億，更花了 8年時間改建。
從近日曝光的大屋內貌見到，小小超已為 3名兒子打造了一間育兒房，另外還有一個巨型日式按摩池，屋內亦放滿一家 5口的生活照，十分溫馨。據知錫仔錫到燶的小小超，更將全屋有角的地方加上保護膠邊，又加設防蚊設備，確保乖仔唔會俾蚊針。
3仔在手的 Isabella，好快入宮做李太啦！
裝修完工
小小超的 2億石澳木屋由已故名設計師莊聖民親自設計，本刊早於今年 1月影到 Isabella（紅圈）帶埋小長治在大屋小住。

吳佩孚：出年唔結就麻煩！

根據吳佩孚師傅所講， Isabella同小小超有機會出年拉埋天窗，「 Isabella條命有偏印星，結婚比較難，不過 2011年有機會坐正，如果佢出年唔結就有麻煩，例如小小超會識過第二個。佢條命會有 5胎， 2012年至 13年最有機會生女，而仔會旺佢啲，相反小小超就容易同囝囝嗌交。」
採訪、攝影：娛樂突發組（東京）
撰文：娛樂組

梁洛施李澤楷秘遊東京玩足6日趕生兔女

自從今年1月忽然現身鄭秀文紅館演唱會後，超過10個月未曝光的22歲梁洛施(Isabella)，據知一直躲在加拿大多倫多照顧兒子，間中亦只會飛到新加坡小住，再沒被傳媒發現，行蹤神秘。

深閨不出門，但記者上周目擊梁洛施出現在日本成田機場，據知梁洛施剛在東京陪完李澤楷度過44歲生日，兩人扔下3個兒子玩足6日，直到14號梁洛施才獨自由日本飛回加拿大，繼續其低調生活。

由英皇小花變千億闊太，飛上枝頭的梁洛施卻沒有架子，全程沒有保镖助手隨身，行李更要自己推，樸實性格絕對複合李家低調作風。梁洛施李澤楷秘遊東京玩足6日趕生兔女