陳法拉：唔回應！（真實對白）
男女藝人經營副業搵銀，已是不爭事實。近日爆出女星、名模與富豪的性交易醜聞，其實只屬冰山一角。
有無綫幕後人員及不願透露姓名的藝人更向本刊大爆藝人最新被包名單，又踢爆娛圈三大淫媒如何運作，揭開娛圈黑暗面！
眾星回應
徐子珊、佘詩曼及陳法拉均由選美入行，亦是無綫花旦。對於娛圈性醜聞第二波，徐子珊自言從來冇人搵她出席飯局。陳法拉則劃清界線拒回應。至於現正身在無錫拍國產劇《帶刀女捕快》的佘詩曼，其經理人亦拒絕回應。
蛇腰女富豪俾 500萬炒股
「蛇腰女」係無綫花旦，又係得獎港姐，平時都幾 cool，但一對住富豪就嗲精上身。入行以來，佢一直物色大水喉，一年前佢終於遇上出手闊綽嘅富豪 C。「蛇腰女」平時忙拍劇，陪富豪 C嘅時間唔多，但富豪 C對佢仍愛錫有加，每月除咗俾三十萬家用、黑卡任碌外，仲租埋豪宅俾佢住。事關「蛇腰女」嗲功了得，不時傳短訊冧富豪 C，又識得自動報到，深得對方歡心。
「蛇腰女」自知平日服侍唔夠殷勤，所以久不久就向公司請假陪富豪 C，坐私人飛機去歐洲溫馨吓，又可以掃名牌，非常醒目。不過貪心嘅「蛇腰女」點會就咁滿足。前幾個月，佢就同富豪 C呻自己拍劇賺錢辛苦，叫對方教佢炒股搵快錢。點知佢賺咗之後又慨嘆自己本錢小，有排都滾唔大，最終冧掂富豪 C幫佢去投資銀行開戶，再「醒」五百萬本錢俾佢，教佢炒股票、巴西債券同外幣，又幫佢篤手指抽新股。由於近期股市暢旺，「蛇腰女」個戶口幾個月就升到近千萬。忽然富貴，「蛇腰女」變得好豪，攞車都俾五百蚊貼士，今時唔同往日！
已婚歌王陪富豪 7日賺千萬
「已婚歌王」年前突然觸礁，搞到身家大縮水，現金周轉不靈。雖然他家有嬌妻，但卻獲不少同性傾慕，當時一名家勢顯赫、主攻地產生意嘅新加坡富豪不惜利誘他，開價一千萬，要「已婚歌王」陪玩一星期。
「已婚歌王」左思右想，最後暪住老婆，遠赴新加坡賣肉撲水。向來工作認真嘅「已婚歌王」，連陪富豪都交足貨，事後富豪仲向友人讚佢：「真係好好玩！」成為富豪圈中一時佳話。
姣旦陪賭掠千萬豪宅
「姣旦」貴為無綫花旦，都曾經紅過，不過早年衰係賤男手上，俾人又食又拎，私房錢都俾人呃埋，之後佢仲搶人老公，搞到神憎鬼厭！受過多次教訓，「姣旦」由上年開始認錢唔認人，將所剩無多的青春，用來箍實大陸富豪。
雖然大陸富豪年紀大到可以做佢阿爸，但勝在出手闊綽，平日來港打理生意，定必順道坐直昇機去澳門美高梅金殿玩兩手。「姣旦」每次都會跟到實，因為富貴贏錢一定有打賞。幾個月前大陸富豪就贏咗幾千萬，仲大讚「姣旦」旺佢，「姣旦」即刻食住上對方送樓。結果大陸富豪大筆一揮，開了張一千萬支票俾佢，之後佢就買咗一層成千萬嘅九龍豪宅。
基警男瞞富豪包仔
「基警男」唔算好靚仔，但勝在外形夠 man，所以拍劇成日做警察。由於佢係基民，所以一向都係同志偶像，不過近年佢喺港發展一般，故不時到內地掘金，點知俾佢遇到真正金礦。有一次「基警男」到內地剪綵，同場一位已婚北京富豪對佢即時起痰，之後兩人瞬即成為閨中密友。
去年北京富豪更以約五千萬人仔，買咗一幢北京超豪獨立屋俾佢，實行金屋藏「警」。北京富豪喺內地人脈甚廣，經常為「基警」搵到拍劇機會。
雖然北京富豪對佢照顧有加，但「基警男」鍾意靚仔，所以佢瞞住富豪，喺香港包養咗一個廿幾歲嘅精壯嫩男，仲不時甜蜜夜蒲，同志圈子幾乎人人皆知。
變臉小花同瘦身王爭佬
「變臉小花」出道以來只做花瓶角色，年前佢把心一橫，走去整容，變靚後成功冧掂不少富豪。「變臉小花」原本有個賽車男友，後來佢喺夜店識咗個四十幾歲嘅單身富豪，每月有 10萬落袋，「變臉小花」見錢開眼，即刻狠飛賽車男友。
單身富豪同父母住喺相連豪宅單位，各有門口出入，所以「變臉小花」可以經常上門送「外賣」。後來單身富豪戀上門當戶對的「瘦身王」，二人攞正牌拍拖，可惜富豪偷食唔抹嘴，將包女一事周圍同人分享，結果輾轉傳到「瘦身王」耳中，搞到兩人炒大鑊。
「變臉小花」惟恐失去米飯班主，之後表現更加溫柔體貼，最後單身富豪放棄「瘦身王」，重包「變臉小花」。
皮條天使帶團掘金
落難製作人以前不時帶班天使出席應酬飯局，仲介紹啲有米之人俾佢哋識。當中社交手腕最圓滑嘅「皮條天使」最為積極，佢每次都會主動同有潛質嘅有米男交換電話，之後好快就會安排班姊妹們出席「色慾宴」，俾富豪睇辦。作為中間人，佢每次都袋 2、 3萬皮條費，啲錢都幾易執。
有時一班米飯班主想過大海或返大陸玩幾日，「皮條天使」都會 call埋「變臉高人」同「維他命 C」等天使姊妹一齊去，每次去 2、 3日，衣食住行全包之餘，每人仲有萬幾蚊利是。至於肉金，「皮條天使」就俾姊妹們自己傾，皆因佢都要親自落場慰藉恩客，分身乏術嘛！
波牛妹出海送外賣
「波牛妹」加入無綫之後，雖然多咗人識，但工作仍然不多。不過自從佢今年俾「數字男」狠飛後，反而人氣急升，多咗富豪問價，可說是意外收穫。雖然「波牛妹」個樣唔靚、身材又麻麻，但向來有出海參加富豪派對，情投「價」合就會係遊艇上就地正法，每次三萬就有交易。
為咗搵錢，「波牛妹」好勤力，幾乎每次上郵輪做嘢或北上登台，都會一雞兩味，做騷之餘，再加接客，完全唔嘥時間賺到盡。為方便做生意，「波牛妹」身上永遠長備護照同回鄉卡，非常襟撈。
o靚模孖妹接客起雙飛
「 o靚模孖妹」一齊出過寫真，平日好 friend，差不多有影皆雙，原來佢哋連接客都孖住上。兩位 o靚模拍戲只屬大茄，人氣偏低，卻自稱經常出外登台，但從來冇人見佢地嘅登台相。其實所謂登台，即係出埠陪客。
「 o靚模孖妹」雖然唔係最紅，但自恃後生身材正，相當揀客，超過 50歲都唔肯接。兩人出埠陪客兩星期，起雙飛鐵價各收二十萬，比單飛各收十萬和味好多。
雖然揀客，但「 o靚模孖妹」好識做生意，每次返大陸出席富豪飯局，都會大派自己寫真集俾富豪留念，冧客有一手。
今年 A. Lin同 Dada搣甩「八模」，組成 SugarBeez闖樂壇，不時返內地拍戲。
A.Lin裴殷：有 model搵我去飯局，我 cut佢線！（真實對白）
Dada盧頌之：有人想我出 trip，唔會理佢！（真實對白）
三大圈中淫媒
現時圈中有三大淫媒，均屬女性。為了 keep住客路和女星貨源，她們均從事經理人工作，然後將旗下女星、 o靚模及相熟藝人介紹俾富豪。而富豪亦不會出面搵女，多由駁腳幫手搵淫媒發掘新女。有圈中人表示，這些駁腳未必是富豪的職員，很多時是富豪的地產經紀和投資顧問。
每次富豪想識新女，駁腳會聯絡淫媒，淫媒再向圈中人試探。富豪飯局會在飯後派「利是」俾女星，如有肉體交易要先付肉金。
煮飯婆
「煮飯婆」入行超過廿年，曾任歌手，喺娛樂界無人不識。由於染指娛樂製作生意，佢最叻係搞一條龍服務，帶女藝人越洋表演後，直落富豪飯局。客源除了本港同內地外，連東南亞、美加和歐洲富商都有，堪稱國際級中介人。
B媽
「 B媽」係本地知名經理人，最叻係幫藝人和模特兒改頭換面，捧紅不少人。高質貨色，佢唔會亂安排去飯局，等佢哋走紅升呢先以天價接客，安排囡囡服侍富豪。其富豪客戶全是闊綽之人，以內地人為主，甚至有政界人士，有助「 B媽」發展其他生意。
校花
「校花」出身小康之家，同班富豪二代玩開，年前開始做經理人。閒時就借工作為名，帶旗下女藝人和女模俾班富豪認識，每次帶四、五個小花出席飯局，可以收取五萬蚊介紹費。佢旗下囡囡「生果」，近日更被城中超級富豪包起，賺了不少。
留言列表
