丁生零禮金八大贊助商泵水楊千嬅婚宴賺 5百萬拒請黑名單曝光快週刊 639期 @ 娛樂八掛大分享☆

丁生零禮金八大贊助商泵水楊千嬅婚宴賺5百萬

下月20日是楊千嬅與丁子高補擺喜酒的大日子，有傳為防遭人贈興，近日千嬅發出「黑名單」，宿敵黎明、舊愛鄭中基統統冇得飲！而出名叻捉水魚的她，更為婚宴覓得婚紗、珠寶等等八個品牌贊助，金額高達近千萬，扣除開支，千嬅最少袋500萬，足夠補貼丁生$0禮金筆數。既踢走眼冤人，又有錢賺，呢鋪千嬅做硬幸福新娘。

其實丁生丁太早於去年已在美國賭城註冊，但由於當時千嬅仍被困A music，為逃出生天唯有以事業行先，出碟、拍戲、開演唱會，以行動掂岳少自立門戶做華星一姐，將婚宴押後一年多，至下月中才正式披上嫁衣。

錫住老公

千嬅貴為天后，另一半身家、身份卻比自己低，婚宴稍有瑕疵，隨時惹來閒言閒語，故兩人要求極高，鮮花要荷蘭、紅酒要法國，裝飾佈置全屬頂級名牌貨，加上來自意大利的婚紗、重量級珠寶行頭及逾40圍酒店酒席，開支估計約5百萬，若由丁生埋單，勢必荷包重創。

「千嬅都知老公搵幾多，佢又唔想老爺奶奶邊太破費，所以一早講明唔使俾禮金，就連婚宴筆數，佢都話有信心Call Sponsor搞掂。」知情人稱。

補貼千萬

在娛樂圈打滾多年，千嬅憑藉圓滑手腕跟多個品牌如精工、雀巢等合作無間，早前的演唱會爆出製作費超支問題，她即親自出馬搵來信用卡、珠寶、禮餅、波鞋等贊助湊數，更出口術為婚宴覓水魚：「今次演唱會真係有好多贊助，希望佢贊助埋我年尾婚宴啦！」

此話一出，令不少品牌蠢蠢欲動，如早前TVB便提出以7位數獨家直播婚禮，但千嬅怕當晚玩得太癲，「醜態」可能曝光而婉拒。

「婚紗同珠寶Sponsor經已落實，家仲有最少6個品牌傾緊，間間條件都有7位數，加埋成千萬，扣返成本都有5百萬落袋，千嬅話估唔到搞婚宴仲好賺過開演唱會。」知情人續稱。

據知，為容納如此多贊助商，婚宴要搞搞新意思，初步計劃可能於場內擺放印有品牌名字的祝福語、設抽獎及送回禮禮物包等，務求Hard Sell之餘亦能皆大歡喜。

醜男伴郎

而隨婚宴尚有個多月，有關細節亦落實得七七八八，當中其中一個焦點誰是伴郎伴娘？千嬅大爆老公組成「醜男」兄弟團：「之前林同我講想做伴郎，佢唔得啦！太靚仔搶晒鏡，我老公最貪靚，所以搵佢表弟，比佢醜、比佢矮，成個兄弟團12人冇個靚仔。」

至於菜式方面，當然極盡名貴，每席萬萬聲，不過沒有魚翅，皆因之前千嬅看過屠殺鯊魚的照片，覺得好殘忍，有關決定已獲家人支持。