最近網上流傳一段港女Ashly鬧爆港男係「狗公」嘅短片,片中的谷胸女主角Ashly Chan憑呢條名叫「《個人毒》咪做狗公」自拍短片上位,港男睇完當然好㷫,反鬧Ashly博見報。

FBI好奇Ashly為乜要博出位,點知Ashly同FBI講佢係被動跟稿讀,「我拍條片係因為好朋友Arho Sunny(rapper)最近寫咗呢篇文,我覺得佢寫得好好,所以咪自拍咗呢條片。上位?我拍嗰陣冇諗過上位或收兵喎,係啲睇完我條片嘅人,轉載出去幫我上位咋,我嘅角色係被動!」Ashly身材同樣都唔錯,FBI對佢個背景都好有興趣,點知佢好避忌:「我家21歲無業,F.5畢業後讀過幼兒教育,之後又做過一陣sales,我冇諗過入娛樂圈或做模,我人生目標係做高踭鞋批發。」Ashly唔入娛樂圈嘥咗啲喎!

網上慾照
Ashly喺佢嘅個人網站同facebook都上載咗唔少露肉性感相,有部分相片更非常大膽,擺明挑釁港男!

鬧上位
Ashly喺YouTube有十條自拍片,大部分都係性感低胸造型,最近呢條「《個人毒》咪做狗公」片長3分鐘,今次更谷胸寸港男,而寫呢篇文及喺片中客串的,咪係早前喺D&G門口rap嘅素人rapper Arho Sunny囉!FBI八到佢哋係拖友,不過「狗公女」就死口唔認,仲話係單身添!

曾被性騷擾
Ashly係有料之人,佢話都試過收性騷擾電話,喺電話裏頭不停呻吟。照FBI睇係佢班觀音兵或狗公做都唔奇吖!

唔認拖友
FBI訪問Ashly當日,佢帶埋口中稱呼為阿哥嘅rapper Arho Sunny一齊現身。Sunny同FBI講佢本身做平面設計師,啱啱辭職無業,所以得閒陪Ashly做訪問,嘩,呢個「阿哥」都算唔話得喎!而兩人再次強調唔係拍拖喎! ####

 
剝衫坤仔
三圍:34C、25、34
〈狗公論〉中,Ashly話過:「如果女神輕輕露出少少事業線,狗公們興奮度高過百分之45.4……佢哋會話:『女神你搞到我今晚唔使瞓』。」嘩,你呢張內衣相放上網任人睇,小心反被港男鬧爆呀!網上圖片

 
網上圖片

 
網上圖片


網上圖片



 

視聽版 《個人毒》咪做狗公-feat. Arho Sunny

arrow
arrow

    stacylife 發表在 痞客邦 留言(0) 人氣()