「福祿壽」三子師奶冧到死,拍埋劇集《荃加福祿壽探案》同電影《勁抽福祿壽》,今年連賀年廣告套餐都撈埋,下月又再上紅館掘金。

不過最近推出的《福祿壽大假光臨》,寸人唔使本「福祿壽」繼續咬住娛圈人唔放,更將自己人擺上枱。其中獲網友熱烈討論的〈今日師奶D〉,擺明寸清談節目《今日VIP》;而王祖藍所扮的作狀主持「頭兩頁」,明顯影射《VIP》主持、任職 DJ逾21年的陳永業問嘢冇point兼動作騎呢!

被恥笑而知衰的陳永業,事後急補鑊:「我嘅肢體動作係多咗啲嘅,我會減少啲肢體動作!」以後搵「福祿壽」幫手快過廣管局喎!


好開心請到你上嚟!真實對白

扮「頭兩頁」

早前福祿壽喺旺角派雪糕宣傳二月舉行的演唱會,其間問到王祖藍扮陳永業勁多人講,祖藍即刻上晒身交晒戲,又話:「我冇問過佢(陳永業)㗎,我諗佢唔會嬲嘅!」

學陳芷菁


我成日同我老公講……真實對白

講講吓,李思捷又搭嘴話:「其實我哋都加咗好多陳芷菁元素㗎!」又即場交足表情用陳芷菁腔講:「我成日同我老公講……」笑死人!

表情學足

王祖藍喺「福祿壽」扮「頭兩頁」諷刺《今日 VIP》的主持陳永業,口頭禪「我真係學咗好多嘢呀!」都成為金句,連陳永業都話:「家唔少人同我講『學咗好多嘢』!」

衫都抄

原來陳永業曾於《今日 VIP》訪問過王祖藍,難怪王祖藍仔細到連件藍色風褸都抄埋啦!

手勢學埋

除咗口頭禪,王祖藍就連陳永業衣着和手勢都學埋,勁神似!

祖藍就連陳永業衣着和手勢都學埋,勁神似!

「福祿壽」強項唔只扮女人夠啜核,最強殺着係寸娛圈人,連橫行 TVB的林峯都夠膽取笑「(佢)塊面有假 嘢」,抵死又大快人心。

李亞男代賠罪


上年底,福祿壽為今年 2月紅館騷宣傳,分別以 A貨張學友、梁朝偉和盧廣仲造型現身記招。《蘋果日報》圖片

聖誕節播最後一集的《福祿壽大假光臨》平均收 21點,但網友近兩星期都不斷上網回味其中環節〈今日師奶 D〉,明顯惡搞下午清談節目《今日 VIP》。由阮兆祥和李思捷分別扮演嘉賓劉華、黎明、郭富城等人唔算太驚喜,網友最 buy反而係由王祖藍扮演的主持「頭兩頁」。在節目中「頭兩頁」講 嘢手腳多多又經常握緊拳頭,問題無聊騎呢,加上口頭禪「我真係學 咗好多 嘢」,擺明恥笑《 VIP》主持陳永業。
在《 VIP》任主持的陳永業, 90年入行任港台 DJ,更與古巨基、孫耀威做過同期新人歌手,與陳總陳志雲做過同事。連前輩都敢玩,王祖藍唔驚得罪人:「都係為搞笑 啫,只係誇張 咗佢 哋 嘅特質,唔係醜化。」本刊致電陳永業了解,佢話唔介意被玩,更透露早前獲李亞男(王祖藍女友)代男友話「唔好意思,希望你(陳永業)唔好介意」。
被福祿壽恥笑過後,陳永業知衰話會改善同收斂:「啲問題係 TVB畀我,我冇得話事。之前我錄影都同工作人員講『一陣唔好有咁多肢體動作,費事再被王祖藍扮!』我自己睇番,我 嘅肢體動作係多 咗 啲 嘅,我會減少 啲肢體動作!」知錯能改就得喇!

專問廢問題
陳永業:我只係被動角色

F:《 FACE》 陳:陳永業
F:知唔知「頭兩頁」係講你?
陳:有朋友喺 iPhone播過條片畀我睇先知,後來喺街度都有人叫我做「頭兩頁」,先知祖藍扮我。
F:會唔會介意?會唔會嬲祖藍淨係扮你一個人?
陳:唔介意,我冇唔開心,幾得意呀!可能因為我啲肢體動作多過(陳)芷菁和家樂仔(吳家樂)佢哋啩!
F:祖藍寸你問嘅問題好廢話喎!
陳:其實啲問題嘅自主權唔喺我度,都係 TVB writer set好晒問題,由我發問。係電視台嘅編審 control問咩,而唔係我喎,我夾喺中間,只係被動嘅角色。曾經我試過問其他問題,但出嚟都剪走晒!

陳芷菁:唔怕人醜化

眼利網友認出「頭兩頁」唔只影射陳永業,連另一位主持、被網民指「作狀」嘅陳芷菁都燒埋。

眼利網友認出「頭兩頁」唔只影射陳永業,連另一位主持、被網民指「作狀」嘅陳芷菁都燒埋。

陳芷菁回應:「我都覺得似,應該加咗一啲我嘅元素入去。我自己都好鍾意睇,仲覺得被人扮好榮幸,醜化都係好㗎,每個演員都有(自己)特質,歡迎模仿,(我)唔怕被人醜化。」

唔熟唔玩

扮乜似乜嘅福祿壽,經常都向自家劇集和節目開刀,極盡嘲笑之能事。

寸魔法

「福祿壽」三子分別扮演「 Albert Gamcholia」、「成日川崩」同「劉堅」,示範點樣表演腦殘魔術呃飯食,明玩之前是非多多嘅《魔法擂台》。

笑麗淇

《我的如廁狼君》中,祖藍「便秘樣」扮表情深沉嘅黃浩然,思捷口擘擘,當然扮緊經常傻笑嘅周麗淇喇!

《我的如廁狼君》中,祖藍「便秘樣」扮表情深沉嘅黃浩然,思捷口擘擘,當然扮緊經常傻笑嘅周麗淇喇!

玩烏龍

扮女人最搞笑嘅祖藍將《萬凰之王》惡搞,玩食字做《慢王之王》,連戲中有樽裝烏龍茶穿崩一幕都玩埋,完全冇面畀。

扮女人最搞笑嘅祖藍將《萬凰之王》惡搞,玩食字做《慢王之王》,連戲中有樽裝烏龍茶穿崩一幕都玩埋,完全冇面畀。

arrow
arrow

    stacylife 發表在 痞客邦 留言(0) 人氣()