上週五（ 25日）着住 6吋高跟鞋千嬅出席「 IFPI香港唱片銷量大獎 2010」活動笑住話：「呢個月造人唔成功嘞！」相信有名醫落重藥，千嬅應該好快有喜訊。
藥煲仔
狂補副偈　楊千嬅執劑勁
2011年03月30日
上週自爆曾遭第三者電話粗口騷擾嘅楊千　，既然已為幸福人妻，咸豐情史唔怕講。但丁太講得最多嘅，相信係要為老公丁子高努力造人一事。奈何 37歲千　後生搏命過龍，脊骨舊患一直未斷尾，副偈殘晒， 31歲丁生點年青力壯都愛莫能助！
恨生兔 B嘅高齡準產婦丁太惟有落重藥，搵埋譽滿娛圈嘅中醫植國滿出招執劑勁，力挽狂瀾！
忙完巡迴演唱會同國語碟嘅千嬅，總算可以疊埋心水休養生 B。恨生恨出面的她更同老公丁生睇中醫，千嬅被醫生指身體已透支，經常出現氣喘等不適，更被丁生振夫綱勒令戒「牛奶、咖啡及汽水」三害，烈女千嬅不得不在微博認低威：「唉！為了革命兼繁殖後代，我要戒！」


08年中千嬅因練舞拉傷腰部， 9月舉行商台拉闊 show時更用上腰封保護傷患，而敬業嘅佢為運氣唱歌更在台上除低腰封。《蘋果日報》圖片
 烈女骨頭脆
 
中女千嬅為繼承丁家香火大業不惜「三戒」（戒奶、咖啡同汽水），但就成日偷飲凍飲被丁生鬧。

腰患難佗 B
丁子高振夫綱不無道理，千嬅早於 08年舉行拉闊演唱會前練舞而拉傷腰，甚至要戴住腰封頂硬上，後又於 09年 8月二人去美國旅行時，千嬅玩過山車時不慎整親頸，丁子高更即時向頸痛千嬅求婚，承諾照顧一世，惜腰頸舊患一直纏繞千嬅，至今仍不時往位於天后嘅名中醫植國滿作推拿治療，再加上中藥調理身子。同時，今年初起千嬅媽咪同奶奶密煲海龍、海馬、冬蟲草等補品，萬眾齊心以中藥療法谷千嬅佗到 B﹗但據資深中醫師林顯增表示，女士有腰患不利懷孕佗仔，腰患成疾嘅千嬅要生仔又多層障礙！ 
蜜月造人
 
今年 2月丁氏夫婦完婚後出國度蜜月，千嬅曾話：「造人唔可以用錯力，一係唔用力，一用力就要中！好似《槍王之王》要百發百中！」丁氏夫婦都頻密運動操練身子，可惜千嬅肚皮未有聲氣。

搵聖手補身
今月 19日凌晨，千嬅晒一張有數樽及數包藥丸藥粉嘅相片於微博上，更留言話「吃藥時間又到！」，藥物分量驚人之餘似為長期治療服用，本刊更發現部分藥樽與植國滿所用嘅藥物包裝相同。據知植醫師除擅醫骨傷，更係全科中醫，有流產孕婦更在佢調理下順利產子，堪稱中醫聖手。
上週五（ 25日），千嬅向本刊認食緊中藥同睇植醫師：「最近我淨係睇中醫，因為有少少唔舒服。（見你成日搵植國滿嘅？）我主要睇腰骨舊患啫。（搵佢幫手追仔？）生仔冇得強求，係個天畀你嘅！」有植國手幫忙，應該好快有消息啦！
落重藥谷仔
為丁家造人，千嬅同丁家上下扭盡六壬，不但夫婦二人狂操 keep fit，加上丁媽楊媽補品催谷，家仲有名醫外援助陣，十全大補單侍候，務求谷出「完美丁 B」。

'10 19/3 
同為「微博精」嘅丁氏夫婦，丁太不時喺微博報告食藥進度，而丁生就不斷軟硬兼施提老婆食藥，盡責過看護。
 
丁媽（左）恨抱孫，不時下廚燉補品為新抱仔加油，連千嬅都話：「奶奶已不停叫我進補，海龍、海馬燉冬蟲草，壯陽又壯陰……奶奶同媽咪已不停燉湯俾我飲，直到我懷孕為止。」真係辛苦晒！《壹週刊》圖片
 
中醫師林顯增：「食太多會出事！」
「海龍、海馬的確可以補腰補腎，但最主要用嚟清血管去阻塞。長時間食得多反而對男女都有害，女士會氣血唔夠之餘，經血仲會唔止，隨時流血過多；而男士嚴重上嚟會屙血同容易生痔瘡。所以每星期唔好食多過三次，每次大約 1至 2公克分量就好夠。」
 
丁生聽醫生話下令千嬅戒飲牛奶、咖啡同汽水，但林顯增醫師就話對生仔冇乜幫助：「戒咖啡係因為咖啡因對心臟唔好，但戒奶就唔應該，女性無論有冇懷孕都應該吸收多啲鈣。如果戒汽水係因為怕濕冷傷脾，飲唔凍咪得囉！」 
海馬
海龍 
冬蟲草
$700享星級服務
植國滿（左圖）不單係註冊全科中醫，亦係經絡醫學會及中醫骨傷學會會長，於天后開設「植氏中醫綜合治療中心」為客人整脊、醫骨傷及針灸推拿。除咗天后千嬅係老顧客睇足兩年，譚詠麟、曾志偉、陳百祥、李克勤及梁漢文等亦係熟客仔，難怪每次收費約 7百元起。 
「植氏中醫綜合治療中心」面積約有 700呎，內有三間獨立醫療室及醫治脊骨用儀器，布置精簡為主。
 
09年 10月初千嬅出席完活動後即趕往植醫師診所睇舊患，當時植醫師表示千嬅全家都有幫襯，丁子高更直認老婆對中醫好有興趣。

37歲楊千嬅博命生子 名醫助陣十全大補單伺候

高齡准産婦楊千嬅想在兔年生寶寶，但無奈舊患未康複
上周自爆曾遭第三者電話粗口騷擾的楊千嬅，既然已爲幸福人妻，過去的情史就不怕講。但丁太講得最多的，相信是要爲老公丁子高努力造人一事。奈何37歲楊千嬅脊骨舊患一直未康複，31歲丁子高再年輕力壯都愛莫能助！

想生兔年寶寶的高齡准産婦楊千嬅惟有下重藥，找來譽滿娛樂圈的中醫出招幫手，力挽狂瀾！

arrow
arrow
    全站熱搜

    stacy4life 發表在 痞客邦 留言(0) 人氣()

    E-mail轉寄