炒餸梗要火氣猛!(設計對白)
一身肥肉的李錦聯,甚有自信揸鑊鏟擺甫士,似乎信心十足做師奶殺手。

有「無綫廚神」之稱的李錦聯, 93年加入無綫做婦女節目,人氣漸升成當時的師奶殺手。不過事業漸入佳境的他, 96年竟接拍三級片,與彭丹拍牀戲而遭無綫炒魷。直至近年李才獲無綫解凍,再次在《都市閒情》教師奶煮餸。
經此一役,李錦聯理應收晒火,但對住出名口臭的拍檔安德尊,李錦聯依然躁底。

 

放大圖片

割雙眼皮?扮林峯呀!(設計對白)
被圍插「口臭」的安德尊,死撐與李錦聯冇不和,仲話同對方好老友,但問他知唔知對方電話,卻又口窒窒噏唔出。

 
放大圖片

1月 6日,李錦聯涉毆打女友邵敏婷後,曾聲稱要狠飛對方,又自稱有兩、三個女友,仲寸爆話:「感情真係好煩惱,惟有叫佢哋排住隊先!」

 

被窒割雙眼皮

李錦聯和安德尊交惡始於 09年中,當時二人被安排在節目中介紹煮食環節,李錦聯因姿整、扮大牌阻收工,因而辣㷫安德尊。一幕後工作人員表示:「阿 Ben平時會袋定塊鏡喺個袋度,導演一 cut機,佢就會拎出嚟照。試過有幾次話啲頭髮飛起咗, roll緊機都嗌『等一等』,然後衝入化妝間,叫佢個御用化妝師幫佢搞搞,足足半粒鐘先出嚟。老實講,唔止大王,好多人都睇唔過眼,話佢幾十歲人喺度扮巨星阻人收工。」
而一向把口唔收的安德尊,除背後叫對方做「乸型」外,半年前,李錦聯秘密割雙眼皮,安德尊更在人前大大聲問他:「你唔係吖嘛!一把年紀學人割雙眼皮,你想扮林峯呀?」此事傳遍整個電視城,原本唔想俾人知割雙眼皮的李錦聯,焗住要周圍向人解釋雙眼皮是自己水腫導致。

 

放大圖片

07年
一直是單眼皮的李錦聯,半年前突然去割雙眼皮,非常貪靚。

 
放大圖片

今年

 

收機即開火

除了埋位前互窒,二人甚至在鏡頭前亦擺明唔妥。其中一次,二人錄影完後,李錦聯即發炮狂鬧安德尊,其間更發生推撞。當日有份在場的工作人員透露:「嗰日一熄機,阿 Ben即刻衝上前好大聲兇大王『你係咪想玩嘢,我依家就同你玩』,然後捉住大王隻手,大王係咁 fing開佢隻手。不過阿 Ben捉得好實,雙眼好似噴火咁,最後要我哋幾個人夾手夾腳先扯開佢哋。」

 

高層照肺

二人推撞事件驚動監製,由於事態嚴重,翌日更遭高層曾勵珍照肺。「珍姐同佢哋講係咪唔想撈,兩個加埋成百歲,仲咁好火。」珍姐更即時將安德尊抽離該環節,改由另一主持劉彩玉拍李錦聯。周三( 12日),本刊致電劉彩玉,她直認自己取代安德尊。「半年前公司叫我代大王拍阿 Ben做煮嘢食環節,不過公司就冇同我講係咩原因。」

火藥炒餸

李錦聯和安德尊積怨已久,早前二人更在鏡頭前公然開火。當日李安排煮豆醬煎蝦,安德尊則從旁協助。其間安德尊多次質疑對方「乜蝦殼有味咩?你識唔識煮?」外,取生油時,更有意無意向對方心口批踭。鏡頭前李錦聯亦黑面兼粗聲粗氣叫他「借過啲!」二人愈鬧愈有火,被網友狂轟不知所謂!

 

放大圖片

安德尊挑釁
乜蝦殼有味咩?(真實對白)

 
放大圖片

乘機批踭
等我嚟啦!(真實對白)

 
放大圖片

李錦聯還擊
你借過啲!(真實對白)

 

網友群插

 

 

自認溝死女

早年曾經離過婚的李錦聯,經常自認風流,更說有大把女人追,在訪問中亦自信十足說:「女人,遲早死在我手上!」其實年屆 51歲的他,早年在理工學院任教。其後被無綫睇起在婦女節目做煮食環節。直至 96年,李錦聯忽然興起學人拍三級片,結果激嬲無綫被掟入雪櫃,直至近年才被放生,近日他涉打女人候查,前途再一次凍過水。

 

放大圖片

95年,李錦聯與港姐余少寶傳緋聞。周三( 12日)本刊致電余,她說:「我哋冇拍拖,佢嘅事唔關我事。」

 
放大圖片

飲食節目起家的李錦聯,間中會與其他藝人出席商場騷搵外快。

 
放大圖片

曾拍過電影的李錦聯, 96年與葉芳華拍《狂野三千響》。

 
放大圖片

94年,李錦聯開食品公司,更自創「李錦雞」菜式,打入師奶市場。

 

安德尊:你哋唔好扯我落佢度

周二( 11日),安德尊出席活動時,最初被記者問到李錦聯涉打女友,有否安慰他時,安德尊一派事不關己說:「呢啲嘢你都係自己問番佢啦,我答你唔到喎!」(我哋收到你同佢嗌交兼動粗,俾高層照肺喎?)他即緊張地說:「你哋唔好扯我落佢嗰度……我哋係好朋友嚟 o架,你哋唔好亂寫呀!(你哋喺鏡頭前開火?)冇冇冇,我哋講笑啫!(網友都係咁講?)「你哋唔好將嗰件事化大嚟講啦!」
雖然安德尊死撐和李錦聯是好友,但記者致電《都》另一主持宋芝齡,她承認二人經常互數對方,「大王窒得阿 Ben好盡,成日當面話佢化個死人妝。阿 Ben又窒番佢戴穿窿眼鏡,核核突突。(佢哋做節目鬧交嗰日,你喺咪現場?)我唔係好清楚喎,你最好問番當事人啦!」
而另一主持黃宇詩則承認曾聽過二人遭高層照肺。「我聽同事講佢哋試過俾人照肺。(係咪因為二人有衝突?)咁我就唔知。(佢哋關係點?)唔……其實大王把口真係好臭,我頂唔順都會窒番佢。(佢哋係咪成日鬧交?)我諗……應該係玩啫!」
記者亦有致電李錦聯,但當電話接通後,一把和李錦聯有九成似的聲音問「搵邊位?」當記者表明來意,對方即說「打錯電話!」然後匆忙收線。同時,記者向《都》監製趙麗平查詢李錦聯和安德尊動粗一事時,她透過公關表示自己太忙,冇時間回覆記者。

 

放大圖片

大王把口臭!
黃宇詩寸完安德尊口臭後,可能怕得罪他,又補鑊話:「佢窒人都係搞笑啫!」

 
放大圖片

佢吔成日互窒!
宋芝齡話:「佢哋成日互窒,我都勸大王唔好咁過分。」

 

1月 9日戲劇性復合

李錦聯涉與女友邵敏婷毆鬥被捕,但兩人三日後卻齊齊出席晚宴,又攬又錫,但事後女友卻指自己是被屈復合。

 

放大圖片

《蘋果日報》圖片

 
放大圖片

《蘋果日報》圖片

 

1月 7日展示抓痕

 

 

放大圖片

李錦聯在旺角酒樓表演時,回應打女友一事,他指女友脾氣好差,更向記者展示頸上的傷痕。《蘋果日報》圖片

 
放大圖片

周三( 12日),記者到邵敏婷位於尖沙嘴的寓所採訪,其間邵的菲傭叫記者留電話,事後邵回覆記者,表示私人事不會回應。

 

打女友冇運行

男人打女人係令人齒冷的事,唔少男藝人打女友事件曝光後,雖然同女友可能牀頭打交牀尾和,但卻因此而前途盡毀,難以翻身。

 

崔建邦打中巴

09年 12月, o靚模鄺敏慧(中巴)報警,指遭男友崔建邦毆打,崔建邦即時被無綫雪藏。崔建邦停工了數月,收入大減,要由畢架山豪宅搬住清水灣村屋。

 

蔡康年打施念慈

99年,有報道指施念慈遭男友蔡康年掌摑,個多月後,兩人在電視城再起爭執,女方遭男友座駕撞傷,兩人宣布分手。當年是新城著名 DJ的蔡康年,本來過檔無綫打算在司儀界大展拳腳,但打女友新聞後,他事業插水,近年蔡復出只做一些二打六角色。

 

姜皓文打金慧英

99年,亞視演員姜皓文(黑仔)因偷戀陳明君,與女友金慧英在寓所大打出手。雖然同年兩人戲劇性結婚,但姜皓文打女人導致形象插水,事業逐漸走下坡。

    全站熱搜

    stacy4life 發表在 痞客邦 留言(0) 人氣()