周秀娜藐爆黃榕 轟Mia教壞細路
淫審處發功淨化書展，所有列為不雅物品的o靚模寫真被勒令絕迹會展。身為o靚模鼻祖的周秀娜冇出寫真兩年，立心從良的她化身淫審判官品評「十大鹽書」，不但封黃榕寫真為不雅之首，連師妹Mia（陳靜儀）都唔放過，揶揄Mia教壞細路。
周秀娜大彈黃榕、許穎與Mia，指在眾寫真中，是最過火的三本。
7．18書展殺到，各路參加寫真戰的o靚模已磨拳擦掌，覬覦寫真女王寶座。可惜模媽Mia出「書」未捷身先死，已被淫褻物品審裁處評定為第II類物品（不雅物品），必須要「包膠」及落警告字句，列明不准發售給18歲以下人士。令其他等待淫審處結果的o靚模騰騰震，隨時未上戰場便game over。身為元祖級o靚模的娜姐已有兩年冇出寫真，當年其寫真不但玩刷牙滴雪糕，還搞噱頭出攬枕，幾乎反轉會展，可是當時卻被不少家長怒插意識不良！如今娜姐已升上神枱，立心從良，即化身淫審判官品評今年「十大鹽書」。
許穎冇美感
娜姐表示，雖然未完全睇晒所有寫真，但已心中有數，邊本踩界邊本過火都逃不出她的法眼。她認為黃榕寫真為十大鹽書之首，其餘九位依次為Phoebe（許穎）、Mia、Monna（林宜芝）、Iris（鍾采羲）、冬甩、Cammi（謝芷蕙）、小櫻、Moka（方媛）及Mei Mei（曾善美）。
黃榕寫真全裸上陣，更在公眾地方「裸景」拍攝，幾乎搞到「走陰」，娜姐不齒她說：「公眾地方咁惹蚊，我就唔會做喇，佢有咁嘅勇氣的確令人欽佩，若然係我就過唔到自己嗰關，留個美好回憶畀自己係好，但唔好影到咁核突。佢今次投奔大自然，希望佢可以撞到泰山啦，咁就唔使做囉！」Phoebe寫真同樣玩全裸，娜姐寸樣話睇過幾張後，冇膽再睇多次：「因為好重口味，睇到佢pat pat都幾好生養，但呢本係寫真，點解毫無美感可言？」
應樂而不淫
至於師妹Mia娜姐一樣照寸，認為Mia作為兩個仔女之母，不應如此大膽，娜姐說：「畀着我生過仔，一定唔會好似佢咁教壞細路。其實我都未睇晒佢本書，但個概念幾好，知佢大犧牲，但要睇番個意識囉，真係太過火喇！」對於淫審處出招，娜姐說：「講老實話，今年啲書真係幾激，真係覺得我老喇！寫真有主題係好，但要樂而不淫囉，最好做到雅俗共賞，唔係要本書好有教育意義，但應該有底線，可能有人底線比我低。」
另外，Iris今年單飛推出個人寫真，為滿足不同人的需要，拍攝前自製一份問卷給朋友和粉絲，集思廣益，了解多些男性的思想。
文：專案組
Mia為還債場外呼冤
欲靠今次寫真翻身的Mia，得知寫真被禁入書展發售後心情低落，昨日愁晒接受本報訪問，提及家人時更激動得眼紅紅。她認為其寫真比起其他o靚模並無格外過火：「其實大家都差唔多，唔明點解過唔到！」
Mia早前向公司借了六位數字，本打算靠寫真可一次過還錢給公司，豈料臨時出意外，唔知點算：「逼到我埋牆角，我屋企人都未知，唔知點同佢哋講，怕阿媽擔心同鬧我。（怕仔女啲家長嘅閒言閒語？）我只係想用自己嘅勞力養家，唔理得人哋講啲乜！」她決定下周於書展場外搞誓師大會呼冤。
放大圖片
而「裸」晒彩的黃榕認為自己的寫真應該會過到檢：「我嗰本冇Mia嗰本咁意淫，我又冇摸自己個胸、揭自己啲衫。」
娜姐品評鹽書
第1位黃榕：衰：不雅
第2位許穎：衰：冇美感
第3位Mia：衰：教壞細路
第4位Monna
「攞絲帶包住自己，想當自己係禮物咩？咁好誘發別人幻想喎，出街真係要小心畀人博懵。」
第5位Iris
「典床典席我都曾經做過，但唔覺得佢典得有美感囉，唔似寫真，反而似第二啲書囉！」
第6位冬甩
「咁多個女仔，個個都做唔到重點。是但啦，做過我兩年對手，之後就做我師妹對手，個結果咪一樣。」
第7位Cammi
「佢好百變呀，係個樣！其實覺得佢唔好着住校服擘髀囉，費事又畀人話有癖好！」
第8位小櫻
「其實唔太認識呢個女仔，但佢某啲角度好娘，重新包裝過會好啲，唔好一味晒身材。」
第9位Moka
「個樣幾cute，可惜樣唔襯身形。我前幾年都畀人話沖涼寫真踩界，希望佢冇事啦。」
第10位Mei Mei
「玩白雪公主係令人有遐想，但小心畀衞道之士話童話人物都玩埋囉，祝佢好運。」
Rainbow Cammi寸人唔健康
Mia寫真被禁足書展，自認形象「健康正面」的o靚模組合冬甩及單飛出寫真的謝芷蕙（Cammi），表現得相當得戚，冬甩大師姐胡心諾（Rainbow）直言自己出了多年寫真，從沒想過要送檢淫褻物品審裁處，今年亦不例外，Rainbow說：「我哋向來都係賣健康性感，寫真入面最性感都係泳衣相，一啲意識不良嘅成分都冇，好有信心唔會被列為不雅物品，所以唔會拎去淫審處檢核！」
而首次單拖出寫真的Cammi，就暗寸有部分𡃁模要靠露肉吸睛：「我都唔明點解要露得咁過分，有啲仲差唔多裸體咁滯，其實咁樣影出嚟一啲美感都冇！」
寫真踩界自由送檢
黃國桐律師表示，寫真出版商可自行決定是否將寫真送檢至淫褻物品審裁處，送檢屬自由制度，並無強制性：「如果強迫就變咗批核，多數由出版商自己決定，佢哋覺得寫真踩界就可以拎去送檢，如果冇拎去送檢，之後被人檢舉，就會交畀影視處審理，最高罰款為一百萬同監禁三年，罰款幾多就視乎銷售量而定。」
「模媽」陳靜儀（Mia）早前被指姣溝師姐周秀娜男友陳偉成，二人早已種下牙齒印，眼見Mia寫真禁足書展，娜姐化身「淫審判官」幸災樂禍，狠批為人母的師妹寫真意淫教壞細路，有仇報仇！
陳靜儀（Mia）年初與師姐周秀娜男友陳偉成（Avis）合作電影《喜愛夜蒲2》，二人不乏床戲演出，Mia更無視師姐呷醋為Avis慶牛一，有傳因而令娜姐眼火爆，要男友禁慾1個月！兩師姐妹自此面左左，適逢Mia的寫真被淫褻物品審裁處評定為第II類物品（不雅物品），要「包膠」兼禁止在書展擺放發售，娜姐乘機踩多腳，「淫審判官」上身狠批一眾後輩寫真，同門師妹都冇情講！
娜姐依次排列出今年「十大鹽書」，頭三位為黃榕、許穎（Phoebe）及Mia，當中點評情敵Mia時當堂「字字珠璣」，她說：「生咗兩個都Keep得咁好，算係咁喇！出寫真要睇用乜嘢意識出發，千祈唔好太過火！」她又踩作為一子一女之母的Mia沒有以身作則做好榜樣：「如果我生咗兩個細路，就唔會影啲咁嘅相，費事教壞細路！」
另一邊廂，得知被禁踏足書展後的Mia心情低落，昨日頹爆接受訪問，死撐寫真並不過火：「其實我同其他人都差唔多，唔明點解過唔到！」早前向公司借了6位數字的她一臉徬徨，提到家人時更雙眼通紅：「諗住靠呢次寫真還錢畀公司，我都仲未敢同家人講！我都只係想用自己嘅勞力養家！」她決定下周於書展場外搞誓師大會呼冤！
至於剝到盡的黃榕則認為自己的寫真應該會過到審查：「我嗰本冇Mia嗰本咁意淫，我又冇摸自己個胸、揭自己啲衫！」另一邊廂，另一胸模Phoebe仍未知審查結果。
娜姐向來敢愛敢恨，男友疑與師妹搭上，當然冇情講！ （資料圖片）
Mia的寫真集大玩重口味，令人一見難忘！ （資料圖片）
Mia的足本寫真集無緣入書展，令她大失所望。
Mia疑與陳偉成戲假情真，難怪娜姐火滾！（資料圖片）
娜姐前年推出寫真集，率領一班師妹宣傳。（資料圖片）
冬甩自誇健康毋須送檢
女子組合冬甩及首次單飛出寫真的謝芷蕙（Cammi）揚言對寫真信心十足，自覺向來形象健康正面，無打算送檢至淫褻物品審裁處，冬甩大師姐胡心諾（Rainbow）寸爆說：「我哋向來都係賣健康性感，寫真入面最性感都係泳衣相，一啲意識不良嘅成分都冇！好有信心唔會被列為不雅物品，所以唔會拎去淫審處審核！」
另外，黃國桐律師表示寫真出版商可自行決定是否將寫真送檢至淫褻物品審裁處，送檢屬自由制度，並無強制性：「多數由出版商自己決定，佢哋覺得寫真踩界就可以拎去送檢，如果冇拎去送檢，之後畀人檢舉，就會交畀影視處審理，最高罰款為100萬同監禁3年，罰款幾多就視乎銷售量而定！」
Rainbow（後排右）率領師妹再出寫真。
Cammi愈睇愈似徐子珊，不如唱埋《Hit Me》啦！
留言列表
