玄學家蘇民峰、麥玲玲同楊天命平時幫人趨吉避凶就做得多,上周年初二竟遭開年,被《明報》用AI頭版直插三人五年來的批算命中率只有五成。

當中最扯火係麥玲玲,佢勞氣回應:「○八年我話豪宅交投創新高,佢哋就用整個樓市全年走勢嚟計,就話我唔準,佢哋要搵嘢嚟講,對我哋好唔公平。」至於身在新加坡嘅楊天命,都有留意呢件事,自言「得啖笑」,佢話:「佢哋冇睇我本運程書,我冇寫過恒指去到幾多點,佢哋打咗兩個交叉就話唔準。」至於蘇民峰則去咗奧地利滑雪,電話處於關機狀態,睇嚟唔當一回事。

arrow
arrow

    stacylife 發表在 痞客邦 留言(0) 人氣()