凌空吊起屈膝動作，有助收腹纖腰。

近年大部分時間在內地拍戲拍劇捱騾仔的薛凱琪（Fiona），試過多次不適入院，睇勻中西醫都無改善；入行七年，已經踏入三十一歲，加上今年七月要在紅館搞處女個唱，Fiona於是的起心肝做gym學舞操fit身體，搵林珊珊男友Michael做教練，每星期三次，加埋印度自然療法，三路催谷，誓要由奀妹操到變大隻妹。

五癆七傷
前陣子在河源及深圳拍內地電影《青魔》的Fiona，因為水土不服，多次又屙又嘔，眼見自己身體愈來愈孱，不想再拖下去的Fiona決定搵林珊珊男友Michael幫手，每星期三次到其健身室做gym，練氣練力。五呎六吋高，得一百零三磅，Fiona一直認為自己太瘦。不過經過Michael詳細分析後，認為Fiona不需要好似古巨基、梁漢文等飲用營養奶粉。「女仔唔使太大隻，有力同夠氣就得，一百零三磅其實好標準。」Michael說。

印度療法
在Michael的指導下，Fiona跑完跑步機，再做舉啞鈴及操背、腰、腹部肌肉的器械，務求各部分肌肉力量平均。做完gym，Fiona還要到排舞室跟老師學跳舞兩粒鐘。「我唔想等到演唱會前兩個月先狂谷，趁而家有時間就開始，我嘅目標唔係要好似Sammi咁勁，只要有少少muscle，最緊要係身體夠壯，就算嚟緊多嘢做，都可以應付到。」雖然Fiona戒肉食素，但Michael認為只要有足夠營養，毋須擔心體力應付不來。除了跳舞做gym，原本睇開中醫調理身體的Fiona，因為沒有時間覆診及煲藥，最近嘗試一種印度自然療法，醫生會因應身體問題，開一些純天然的補充劑讓她服用，試了數個月，Fiona認為身體狀況有好轉。

出書回顧
農曆年過後，Fiona將全力投入錄音工作，準備演唱會前推出的新大碟，歌曲以快歌為主，操fit打定底，唔怕跳舞唔夠氣；此外，還會配合新碟推出手繪、自拍照及日記三合一的新書。「呢本書係我七年來嘅總結，俾自己喺娛樂圈一個見證。」Fiona說。龍年計劃多多，Fiona話最緊要搞好身體迎接排山倒海的感情方面，暫時放埋一邊。

星級教練
林珊珊男友Michael（陳少松）從事健身教練多年，去年11月在尖沙咀山林道自資開設健身室，圈中不少明星包括鄭伊健、蒙嘉慧、古巨基、梁漢文、車婉婉、關心妍等都是他的捧場客。為了令一班星級客仔於短時間內操到最弗，Michael專程從外地引入一隻名為「Isopure」的營養奶粉，每罐450蚊，每日一杯，一罐夠飲一個月。「呢隻奶粉通常都係男人飲，因為男人要練大隻，女仔主要練氣練力，但如果要好似Sammi咁練到有肌肉，我先會推介佢哋飲呢隻奶粉，作為配合。」Michael說。外界都以為Michael是奶粉代理，但他卻澄清說：「我唔係代理，不過係我做咗健身教練咁多年，憑我經驗知道，呢隻奶粉最好味、最易溶解，所以先幫啲客訂呢隻牌子。」 ####

 
曾有腰傷的Fiona怕再整傷舊患，做腰腹器械時始終就住就住。


體質虛弱嘅Fiona，去年十一月曾因發高燒，狂嘔三十次被送入院。


舉開十五磅啞鈴練肌，Fiona話新一年更上一層樓，在Michael協助下，頸、膊、手臂扯到行，話要挑戰五十磅。

 
做完一個小時健身，Fiona再做一輪放鬆動作，才轉到排舞室練舞兩粒鐘。


Fiona近期愛上跑步，不時跟徐濠縈等圈中好友相約跑馬拉松。


在寒冷天氣下到內地拍劇，Fiona凍冰冰企埋山頭一角食午飯，無啖好食。


林珊珊與Michael拍拖近二十年，早年曾傳過結婚。


Michael健身室開張，圈中好友鄭伊健、葛民輝、草蜢及劉偉強撐場。


代客人訂購的營養奶粉，四百五十蚊一大罐。

arrow
arrow
    文章標籤
    薛凱琪 fiona michael 奶粉 gym 健身 sammi 印度 器械 跳舞 每星期
    全站熱搜

    stacylife 發表在 痞客邦 留言(0) 人氣()

    E-mail轉寄