大會安排「皇帝仔」同「皇帝女」陪胡杏兒黃宗澤一齊做活動，搞到好似一家四口咁溫馨。

胡杏兒攞到視后當晚响電視機面前以「互頂宣言」公告佢同黃宗澤關係，一對地面情侶响星期一（一月三十日）首次拍拖出席新春活動。


拍拖就快七年，家陣先嚟情侶檔銀，胡杏兒話唔太遲，因為「絕招」唔可以成日用。大會更加借題發揮，送咗個「鼎」俾胡杏兒，話俾佢用嚟頂住啲好難頂嘅嘢！兩個出得嚟行，預咗俾人玩，黃宗澤更加交晒戲，响記者面前同女友打情罵俏，話自己一向都咁難頂，今朝早差啲就幫女友「開年」。提到幾時結婚生B，胡杏兒之前話過唔心急嫁，呢日又改口風：「唔使啦，俾家用就得！」黃宗澤唔抵得駁嘴寸女友：「嗱！呢啲咪好女仔囉！」受人錢財，胡杏兒黃宗澤果然無欺場。 ####

 
黃宗澤原來第二次同「皇帝女」同台，「皇帝女」仲問黃宗澤：「愛我定愛杏兒姐姐多啲！」胡杏兒即表態讓愛：「俾佢囉，我唔要！」

 
做完活動，胡杏兒要即刻飛蘇州拍劇，有機會搵人仔，唔怪之得見到財神即攬！

arrow
arrow
    文章標籤
    皇帝 拍拖 女友 做活 面前 更加 今朝 改口 成日 同台
    全站熱搜

    stacylife 發表在 痞客邦 留言(0) 人氣()

    E-mail轉寄