頭場Eason冇上台,不過就帶住老婆阿徐同囡囡包包齊睇騷,臨上台Eason握住兄弟手,盡在不言中。

初六開騷嘅梁漢文《BigMan》演唱會早排咪話門票滯銷嘅?FBI就話,其他人開演唱會可以唔買飛,Edmond開騷就絕對唔可以錯過!呢行邊個朋友最多?邊個啲朋友最大卡士?邊個啲朋友最有義氣?唔使出聲都自動現身?梗係娘炳啦!


兩場個唱第一晚有大肚千嬅,第二晚安仔Sammi合體,牌面公布嘅嘉賓陣容已經難得一見,重點係Edmond班friend最鍾意玩即興吖嘛。尾場霆鋒、超儀、安仔、Eric Kwok、劉浩龍,連跛住腳嘅陳奕迅都上埋台唱埋一份,冇買飛嗰班,係咪好後悔呢?咁多friend幫手,好感動嘅Edmond同FBI講:「大家畀面啫,當開party囉!」咁謙虛,唔怪得人緣咁好啦。

擺酒咁多人

Iron Man上身
以前保守慣嘅Edmond,今次形象交晒畀老婆Karen設計,壓軸嘅「Iron Man」造型仲係千里迢迢請荷里活特技大師操刀。 ####

 
歌星開騷通常只會花牌多,但娘炳就花到人到,直情華星仝人到賀,可見娘炳人緣好。


Encore娘炳金曲medley,老友記上晒台同萬人大合唱,氣氛一流。


「秀安」合體,不過今次唔係唱〈唯獨你不可取替〉,係同娘炳合唱〈火熱動感LaLaLa〉,大家齊齊懷緬當年華星的時光。


去到尾場仲繼續有跛腳Eason及霆鋒加入,呢啲咪好兄弟囉!


Sammi同娘炳由華星時代到家差唔多識咗20年,當晚Sammi係由新加坡專登撲返香港撐娘炳。


arrow
arrow

    stacylife 發表在 痞客邦 留言(0) 人氣()