模打碟混戰 Jeana長駐：深圳、佛山、杭州、中山等捽碟價（1小時）：5萬（傳肯勁減） Jeana在過去的12月及1月總共在內地捽碟15次，就算劈價都賺唔少，不過上月試過在夜場捽碟離開時被怪手摸pat pat，她無奈咁話：「同事護住我個胸，忽略咗後面囉。」

夜場風雲

天寒地凍，咪以為習慣袒胸露肉的模冇啖好食，其實Jeana、Phoebe等挾住人氣北上搵真銀，主要在廣東省夜場性感打碟做DJ，每場閒閒哋搵5、6萬人仔。不過有夜場經理爆料，模爭場打碟競爭激烈，最近聖誕新年檔更有你冇我。據知Jeana劈價至1萬、Phoebe就賤價8千頂爛市！打碟模分黨派，孖住成班師姐妹搶食，打單泡乳模就受盡威脅，其中冇經理人撐腰的30歲熟模黃榕（Gloria）變受害人，聲稱迫到要回歸香港做街頭宣傳妹：「個價劈到咁，迫到我做企街！」

套餐最抵
另一邊勁敵Phoebe（許穎）亦搶到唔少碼頭，唔只深圳、廣州等十幾個城市，連澳門都有，捽碟價亦同Jeana一樣。另外因同陳冠希傳緋聞而出名的獸面人Cammi（謝芷惠）亦好搶手，唔捽碟齋唱歌都收3至5萬，同公司的Rainbow和Donuts捽碟價亦叫價3萬，有價有市。不過最近有內地夜場經理向本刊爆料，聖誕及新年高峰期，本來模捽碟價可升多3成，但Jeana和Phoebe卻劈價爭食做爛市。夜場經理說：「有幾個場專搵香港模打碟，Jeana同Phoebe為咗肥水不留別人田，情願劈價留住個場，Jeana減到1萬、Phoebe仲實收8千添，至多一晚跑多兩個場，DaDa同Monna佢哋就企硬唔肯減，少做仲馨香啲！」 Jeana同Phoebe有模特兒公司在背後接job撐腰，薄利多銷，加上亦有「套餐價」，同公司的人氣模，夾埋平靚正低名氣師妹一齊捽碟，加多幾千人仔，多多個模拋胸，一樣好賺。

黃榕　陪酒唱歌
長駐：深圳、廣州、杭州、江門等捽碟價（1小時）：3-6萬人民幣賣唱價（4首）：3-6萬人民幣除了捽碟，黃榕亦會唱歌，無論捽碟定唱歌，都着低胸衫露出事業線；試過被顧客扯衫亂摸及索吻。她說：「搵到錢要犧性少少喇，有時仲要陪老闆飲吓酒添。」

落難回流
黃榕每星期至少接兩場內地夜場騷，但農曆年因有模劈價令她冇啖好食，她說：「惟有過咗新年至算。」

Chrissie黨乳　Monsterbeez
長駐：廣州、三水捽碟價（1小時）：1.5-2萬以周秀娜（中）為首嘅DJ女盟，成員包括同公司GME嘅乳模Jeana、Hidy等，早前Chrissie就帶領師妹Hailey（左）同Annie G.（右）組成的Monsterbeez闖入打碟界。

Edison帶挈　Cammi
長駐：上海、惠州、浙江賣唱價（4首）：3萬（玩遊戲等另加2萬） Cammi（謝芷惠）因與陳冠希親密照曝光而人氣急升，她表示因現時得16歲不宜在夜場捽碟，所以只會獻唱。農曆年期間加價15%仍然搶手。

齋唱唔捽　DaDa
長駐：廣東省一帶賣唱價（4首）：6萬 DaDa因拍過《喜愛夜蒲》在內地上位，就算冇出過碟，但靠把靚聲一樣搵到食，飲歌係《喜愛夜蒲》插曲〈Wonderland〉和鄭秀文嘅〈信者得愛〉，好受夜場和annual dinner客歡迎。

E cup打孖上　Monna、Iris
長駐：廣州、蘇州、胡州捽碟價（1小時）：5位數 Monna（右）和Iris（左）與DaDa同屬Jacso Entertainment公司，她們稱夜場老闆有時喜歡她們一齊打碟，每人都得到5位數酬勞，但少不免要着得性感。

任玩唔加價　Phoebe
長駐：深圳、廣州、澳門捽碟價（1小時）：6萬（傳肯勁減） Phoebe話內地有很多夜場都會跟她簽演出多場的合約，但唔認有減價搶job，表示無論簽幾多場都係劃一價，而且捽碟之餘會跟台下客人玩遊戲。

「唔想鬥平」
劈價密食，但就令到勢孤力弱的同行受害，好似做過林祥焜band「高潮樂隊」主音嘅黃榕去年開始返內地做捽碟騷，要靠在微博認識的中介人搵job，過去每月平均收入有十幾萬人仔，近月卻被迫返港搵食。黃榕無奈說：「我淨係知有人劈價劈到1萬，但夜場經理冇講係邊個，我唔想鬥平翻唔到身，我企硬3萬起，所以新年呢排我被迫返香港，做番啲街邊1萬蚊嘅宣傳job咁囉，係冇啖好食㗎！個價劈到咁，迫到我做企街！」Jeana同Phoebe就唔肯認劈價，Jeana：「我做開高檔夜場，平嘢同我無關。」Phoebe就話：「我絕對唔劈價㗎，啲人亂咁傳。」成班模爭食，冇後台預咗要犧牲啦！

林子善踢爆模「㩒個掣扮打碟！」
打碟做DJ不嬲係音樂人強項，咁究竟模北上打碟係咪得個樣玩玩吓？正式學過捽碟及開咗間公司STAR-06專搞夜場活動的林子善，就踢爆模打碟其實只係靠電腦程式，㩒掣就搞掂。家北上每場搵萬五至兩萬人仔嘅子善說：「有個電腦程式只要學兩至三個禮拜就識用，會自動將啲歌mixing好，有條bar睇住點做，好似出貓咁。」他又說真正的打碟DJ至少要學兩年：「最主要學混音、技術同埋識搵歌，DJ最值錢係識自己剪歌同埋揀啲歌嚟用，有時要喺外國買歌㗎。模打碟賣肉做吓騷係綽頭啫，做完呢啲嘢咪做第二啲囉。」 ####

 




《蘋果日報》圖片










佢哋賣肉就叻！（真實對白）子善話就算一線DJ，打碟價都只係2至3萬，不過大家娛樂性質唔同，無謂同𡃁模比。《忽然1周


模打碟只係望實電腦㩒吓掣，旁邊仲有專人睇實，不過唔緊要啦，醉翁之意不在酒，夜場客的注意力集中在其他地方就夠啦。

arrow
arrow
    文章標籤
    jeana phoebe dj monna dada cammi job 深圳 新年 chrissie
    全站熱搜

    stacylife 發表在 痞客邦 留言(0) 人氣()

    E-mail轉寄