'12腦癌
李治廷喺《傾城之淚》飾演腦癌富二代，少不免要好多面青口唇白抽血化療鏡頭。

有病呻吟

 

靚仔有家底、年輕後台硬，係物理系高材生，識唱又識寫，一出道就俾人當正天之驕子，25歲李治廷（Aarif）去年11月突然搞出個醉駕大頭佛，好多人跌晒眼鏡。
不過知錯能改。Aarif勝在大把人畀機會，新作《傾城之淚》扮腦癌青年，催淚洗底攻完強國3月回港反攻。咁慘情，仲點嬲得佢落！

 


去年12月，李治廷被判罰款6千、停牌半年，醉駕事件告一段落。洗心革面嘅Aarif誠意道歉話：「保證不會再犯！」仲話咁快投入工作，為兩部擔正片做宣傳。除內地才女徐靜蕾嘅《親密敵人》，仲有黃真真導演嘅谷淚愛情片《傾城之淚》，聖誕新年檔期北上自己打自己。《傾》內地票房一週收2,500萬，3月排期在港上畫。

一味鬥慘
無獨有偶，Aarif在《傾》內的角色同《歲月神偷》一樣有絕症，會同戲中同樣命不久矣、10年憑《山楂樹之戀》成為謀女郎嘅周冬雨大放淚彈。李治廷話：「周冬雨係一個好好嘅partner，年紀雖然唔大，但演技好出色，大家好快混熟，所以好易入戲。不過我真係好好彩，撞到咁多好導演、好製作，教我發揮演技同感情，做呢啲苦情角色，靠自己我真係驚會over-act㗎！」一再拍苦情戲，包保轉移醉駕視線後，Aarif去年底拍住3大影帝劉德華、郭富城同梁家輝拍大製作警匪懸疑片《寒戰》，大牌廣告、劇本排住隊等佢簽，仲忙住作曲繼續做才子創作歌手出新碟，年頭忙到年尾，咁就冇時間精力犯錯啦！

志偉三連冠
唔計特技神乎其技根本冇得鬥嘅荷里活製作，賀歲華語片曾志偉第三年鍊贏死對頭黃百鳴。冇計，志偉出品明賣香港情拍畀港人睇，所以鬥賺人仔，咪輸囉！（票房截至1月29日） ####

 
'10血癌
又會咁蹺，10年Aarif套處男作《歲月神偷》又係患絕症，真係橋唔怕舊，最緊要受！


去年12月，Aarif因為醉駕被判罰款6000元及停牌半年，今年積極工作洗底。


Aarif在片內與療養院結識嘅血癌少女周冬雨一見鍾情，不過臨死戀得好純情，最多錫額頭。

 
其實Aarif出道兩年算乖仔，緋聞都係得與同門JM嘅煲水新聞。



arrow
arrow
    文章標籤
    李治廷
    全站熱搜

    stacylife 發表在 痞客邦 留言(0) 人氣()

    E-mail轉寄