宅錄：財神生日到 西位迎財寶
初五，除咗係好多公司開工嘅日子之外，相傳仲係財神生日！為隆重其事，今日我哋嚟一個財神巡禮，睇吓你同邊個財神像最有緣，唔使買蛋糕，請佢入屋當慶祝！假如將佢放正喺財位，仲有望龍年財源滾滾㖭！記者：溫曉嵐攝影：潘志恆、蔡家輝Model： Paris
貼財神 忌對廚廁位 放大圖片 
■貼財神或擺放財神像，切忌對住廁所與廚房，是為大不敬！
初五又稱「破五」，新年頭幾日諸多禁忌，來到今日終於可以破禁！例如大年初一至初四唔掉得垃圾，今日終可一掃而空，有送舊迎新意味！而今日更加係財神爺生日，送窮神迎財神就趁今日！根據民間傳統習俗，家家戶戶會做一個稱為「五窮娘」嘅紙版公仔，連同垃圾一齊丟掉，有「送窮媳婦出門」嘅意思，食飯則要食得特別飽，俗稱「填窮坑」咁話！送完窮神，就要接財神啦！除了燒衣還神，最好當然係貼張財神或買個神像放屋企坐鎮啦！不過神像唔可以隨便擺，要擺就要擺吉位！身為香港及中國 adidas風水顧問嘅梁伯銓師傅話，財神像宜置於西方財位，次選東北喜慶位，如能面向大門或陽台，形成坐東向西或坐西南向東北局勢則更佳，不過切忌面向廁所門及廚房門。另一邊廂的李丞責師傅又提醒，不宜置財神於五黃太歲位及北方病位！
放大圖片 
■大年初一至初四唔掉得嘅垃圾，嚟到今日終於可以掉，是為「送舊迎新」。
放大圖片 
■梁伯銓師傅話今年財位在西方，財神像首選置於西，次選東北喜慶位。
最緊要合眼緣
識得揀，除咗可以做老闆，仲有機會同財神做好朋友！其實揀財神像好簡單，同揀情人一樣，首要條件係合眼緣！梁師傅話，財神面貌最重要係祥和及面露笑容，如果見到某神像時感到特別喜悅，即表示你同該神像有緣！雖然緣份呢家嘢話唔埋，但其實財神都有好幾個，最簡單區別係文財神同武財神，聚寶城的賴志明先生指，如果從事文職或打工仔可以選擇手持如意的文財神，經商做老闆或較多體力勞動者，則可選手持兵器的武財神；也有一說是文財神掌「正財」，武財神掌「偏財」。不論文或武還是一對對買，買返屋企的財神像要帶到財神廟開光，方能請財神入屋，不然財神像只屬一般擺設。
放大圖片 
■梁師傅話拜完財神可以播首財神歌以增添氣氛。
放大圖片 
■揀財神像最好揀面貌祥和及面露笑容的。$458/a
財神到
文財神有好幾個，其中一個相傳是忠臣比干，因為佢無心，所以不會偏私。而武財神最有名的為關公及趙公明，前者紅面長鬚，後者通常黑面濃鬚，粗眉大眼，有時更會手執寶鞭騎老虎。
放大圖片 
■ 8吋高的笑口常開武財神（左）及文財神，以檀香木製造，散發陣陣幽香。武財神$2,880、文財神$2,180/b
放大圖片 
放大圖片 
■手持如意的是文財神（左），手持兵器的是武財神，陶瓷財神手工及塗色都很精細。每個$588/a
放大圖片 
放大圖片 
■ 2.48錢足金打造財神像夠霸氣！約$8,000/c
放大圖片 
■五路財神是指趙公明，及其四位手下蕭昇、曹寶、陳九公及姚少司。 Q版五路財神$188/b
放大圖片 
■以檀香木製的日本財神，顏色素淡，與中國財神截然不同。$2,800/b
放大圖片 
■道教供奉的是黑面濃鬚，粗眉大眼，手執寶鞭騎老虎的財神趙公明。$600/a
男右女左招財貓 放大圖片 
■一黑一白長腿招財貓擺設，貓迷一定鍾意。每個$428/e
除咗神枱上的財神，招財貓在招財界也相當有份量！正統的日本招財貓有分公乸，公貓舉右手代表招財進寶，母貓舉左手代表招福旺人潮，後來漸漸出現雙手齊舉無分性別的「陰陽貓」，代表財福雙收咁話！
放大圖片 
■聚寶盤上的招財貓。$288/d
放大圖片 
■千手招財貓，正財偏財乜都招餐飽，包無蝕底！$608/d
放大圖片 
■躺卧招財貓，看似懶洋洋，其實在默默發功！$268/d
放大圖片 
■日本和布招財貓擺設。$349/e
放大圖片 
■黃色招財貓手上頭上分別再有三隻貓，左右手齊齊舉，財福齊招。$268/e
放大圖片 
■閃石招財貓，閃石由人手鑲嵌。$588/e
a）聚寶城（ 2781 0699） b）李日記（ 2780 7639） c）金至尊（ 2766 3293）d） HAMs.JB Co（ 2504 1848） e）貓貓地（ 2510 8442） 
留言列表
