Euro 2歲半
Cash 8歲半
Cally一聲叫影相，Cash與Euro即時坐定定攞甫士，精靈活潑。

農曆新年將至，不少名人四出辦年貨，經營珠寶生意的鄺美雲（Cally）亦
不例外。着重新年擺設的她，於剛開張的中環珠寶店，特別擺放了翡翠做嘅食物全盒。Cally說：「裏面全部都係天然玉石，要搵適合嘅玉石顏色，再俾師傅雕琢。我最近先儲齊，啱晒新年擺出嚟做裝飾。」
這盤Cally喻為「大豐收」的全盒，有翡翠白玉合桃、黃玉腰果及黑玉瓜子等，統統價值不菲。不過於Cally心目中，價值再高的珠寶，始終不及她的兩頭心肝寶貝「兒子」Cash與「孫仔」Euro。


向來重視農曆新年的鄺美雲（Cally），每年都會請裁縫為愛犬訂做新年靚衫，又會四出搜羅特色揮春、燈籠。而於上月開幕，位於中環的珠寶店，她亦花盡心思布置，店內充滿新年氣氛，擺放了大桃花、糖果、揮春等傳統擺設外，更展出價值過百萬的「富貴全盒」，裏面全是專人精工雕成的翡翠玉石，非常珍貴。

鎮店全盒
Cally的珠寶店，除了有過億的珠寶首飾，更有她的私人珍藏珠寶。於新年期間，她特別擺放由翡翠食物組合成的「富貴全盒」，夠晒應節。當中的翡翠白玉合桃、黃玉腰果及黑玉瓜子等，手工精細，外形大小及形狀，跟真的無異。「呢個全盒叫『大豐收』，裏面全部都係天然玉石。要搵適合嘅玉石顏色，再搵好嘅師傅雕琢，腰果都有半粒形狀，做得神似，單是雕工都使咗百幾萬，但見到一粒粒嘅玉石果仁同合桃，真係好開心。我最近先儲齊成盒，啱晒今年新年擺出嚟做裝飾。」這盤「大豐收」，全部玉石都是Cally平日揀貨時逐粒儲低，玉石是純天然冇染色，每件獨一無二，難怪是鎮店的非賣品。

翡翠果仁全盒
富貴全盒上的翡翠果仁，由Cally逐一挑選，手工精緻，驟眼看幾可亂真，雕工近百萬，連玉石差不多價值二百萬。

翡翠海味
翡翠海味比果仁更難雕琢，而有兩色的黑玉冬菇更珍貴。

聚財好風水
鄺美雲（Cally）位於中環的珠寶店上月開幕，面積3千呎，坐擁維港景致，環境舒適。Cally說︰「呢度同弧形嘅四季酒店對到正，望出去我哋好似水晶球被環抱一樣，風水、氣場都好，係聚財格局，唔需要特別再擺風水陣。」店內裝修設計華麗高貴，極具氣派。店中除了有Cally的私人辦公室，還設有兩間豪華ＶＩＰ房，讓客人不受騷擾下安心挑選心頭好。珠寶店只招呼熟客，而店內珠寶動輒幾百萬，平日Cally與友人在VIP房談珠寶high tea，非常寫意！

招財犬着「龍袍」
Cally去到邊都有愛犬Cash陪伴，不論返工抑或去佛堂，「母子」都形影不離。擔任珠寶店「店長」的Cash，每日都在舖頭坐鎮，幫手招待客人。Cally笑住話：「帶到Cash去嘅地方我都會帶佢去，佢每日都會同我一齊返工，坐喺我旁邊，一有客人嚟，佢就走去錫人，啲客見到佢好開心。」除了返工，Cash與Euro這對父子更跟住Cally辦年貨。上周四（19日），Cally帶住兩隻愛犬到上環辦年貨，穿上「龍袍」衫的Cash與Euro，有如皇帝跟太子出巡，引來不少途人圍觀。而Cally行到邊，Cash都目不轉睛，望到實一實，寃氣到暈。

三代買年貨
上周四（19日），Cally帶同「兒子」Cash及「孫仔」Euro辦年貨，過程中Cally成為途人的拍攝對象， 不過Cash及Euro風頭更勝Cally！ ####

 
Cally行到邊，Cash都要黐到實，仲要埋身錫錫，難怪「媽咪」錫到燶。








其中一間VIP房，設有圓枱，為 客人提供茶點。


大型ＶＩＰ房坐擁廣闊海景，感覺開揚舒適。




Cally親自買布料幫Cash訂做新衫，這件綉滿金龍的「龍袍」，夠晒醒神。

 
有狗醫生牌的Cash醒目可愛，店員讚到唔停口，搞到Cally笑不攏嘴。


Cally揀中圓柱福字燈籠，可惜店舖只剩低一大一小。Cally無奈話：「燈籠應該要一對掛先靚。依家一大一細，好古怪。」不過揀來揀去，她都冇其他啱心水，最後都勉為其難買走。


Cally買了不少傳統揮春外，更鍾情新款立體揮春。


Cash最黐「媽咪」，Cally揀掛飾期間，牠全程擰轉身實。


着住「龍袍」的Cash與Euro，大受途人歡迎，兩仔爺亦任摸唔嬲。

arrow
arrow
    文章標籤
    鄺美雲 cally cash 玉石 euro 翡翠 新年 果仁 雕琢 腰果 返工
    全站熱搜

    stacylife 發表在 痞客邦 留言(0) 人氣()

    E-mail轉寄