玩具大王蔡志明姪兒蔡加頌（Gary），○八年與太太盧靜賢（Jane）結婚後，達成別人夢寐以求的三年抱兩，有仔有女，湊成一個好字。

早前蔡加頌夫婦專程抽空到花墟揀年花，在家貼揮春和放置小朋友至愛的糖果全盒，Jane更親自下廚煮五餸開年飯，有好意頭的髮菜蠔豉、蘿蔔糕和薑汁湯圓，又有反傳統的韓式炒年糕和炸蝦片，務求大人細路有餸啱食，龍年五福臨門豐衣足食。

Jane看着老公子女大啖食，一臉滿足地說：「Gary鍾意食住家飯，好彩我對入廚好有興趣，我晚晚負責煮，他就負責食。哈哈！」

蔡加頌夫婦與大仔蔡子浩和細女蔡子晴，一家四口，穿上中式唐裝過年，「第一次着唐裝，感覺幾得意，在中藝買，着去拜年都幾有新年氣氛。」

花開富貴

自兩年半前Jane誕下大仔蔡子浩（Gaspar）後，蔡加頌一家即由叔叔蔡志明的九肚山大宅，搬到沙田獨立屋新居，組織小家庭。年多前細女蔡子晴（Jacey）出世，家裏更為熱鬧，一家四口樂也融融。

早前，蔡加頌夫婦為布置屋企，抽空到太子花墟揀選賀年靚花。第一次到花墟，眼見花海處處，五花八門，二人無從入手，Jane無奈說：「以往每年由媽咪安排花王幫我們買花，今年想自己試下，但不知應該買甚麼花。」

結果蔡氏夫婦在店主推介下，shopping癮大發，先買下兩盆「花貓」芍藥，見五代同堂的果子長得可愛，又要了一盆；準備找數時，見蘭花靚，又要一盆。蔡加頌笑說：「我們購物好快手。」短短十五分鐘，已盤滿缽滿離開。

蔡氏夫婦在花墟shopping，滿載而歸，埋單四百元，臨走時，Jane不忘多謝老闆娘教路如何揀靚年花。

Jane見紅彤彤的「花貓」芍藥好意頭，兩夫婦一齊揀花，以$198買了兩盆。