攬住皮草上身嘅老婆楊小娟，背心呂良偉當然唔覺凍。

揀對象，揀得啱，其實同中六合彩一樣難！偏偏再難都有人中，上個禮拜五千幾萬聖誕金多寶，一票獨得，只係唔關八珍事。

 
正如呂良偉，同周海媚、鄺美雲唔可以開花結果，直至楊小娟，一拍即合。兩公婆一世流流長，有幾愛未必係最緊要，夾到就得。有辦睇㗎！上星期五（二十三日），呂生呂太同朋友喺Cafe Landmark飲tea，得十度多啲，楊小娟衣櫃嘅皮草出場，呂良偉就夾皮中褸上陣，兩個全身都係灰黑色同一個tone，夾好晒。之不過，啱啱滿咗五十五歲嘅呂良偉血氣同後生仔一樣咁好，熱到除咗件褸，露打底背心，晒住粗碌雙臂，攬住坐埋同一邊，有皮草護體嘅呂太玩「冰火」，咁就包保唔會冷親啦！


起身走人，呂良偉著返件皮褸，同朋友一齊離開，至於呂太，當然要留低响Landmark巡場啦。 ####

 

arrow
arrow
    文章標籤
    呂良偉 玩 冰火 壹週刊 1138期 landmark 背心 生仔 同一 六合彩 一拍即合 五十五 上星期五 灰黑 打底
    全站熱搜

    stacylife 發表在 痞客邦 留言(0) 人氣()

    E-mail轉寄