無綫劇集《天與地》,有口碑、冇收視,煲劇師奶唔俾like,但宣傳工作絕對唔馬虎。上個禮拜二(二十日)晚,成班演員喺中環搞咗場live band,證明rock&roll同天與地will never die。


三位男主角陳豪林保怡黃德斌齊晒腳,同時宣布佢哋將會以組合Sober Band出碟,希望有機會唱國語歌進軍內地市場。拍劇夾band夾出錢途,不過當日最風騷都係邵美琪,有傳佢同打星施祖男秘密結咗婚,施太冇承認亦冇否認,但四十六歲成功標尾會,邵美琪的確春風滿面,著住肚皮透視裝,以行動證明唔係有咗趕住嫁,之後又同林保怡頻頻咬耳仔,又攞住部iPhone四圍影相。做得好!冇理由成世人都只係得鄭伊健㗎! ####


邵美琪同飲緊酒嘅林保怡最好傾,成晚咬耳仔,遠睇仲以為林保怡想嘴人妻。


睇騷睇得high,索性踎响台邊,一路影相一路聽歌。


邵美琪著透視肚皮裝現身,搶鏡過三位男主角。

arrow
arrow

    stacylife 發表在 痞客邦 留言(0) 人氣()