BoBo雖然唔係闊太，不過都算富貴打工仔，收工都仲有金紫耀嘅保母車接送。本月初，男友金紫耀已經坐住架車等 BoBo收工。

Edison陳冠希因搞 16歲模 Cammi，人氣再插水，淪落到要 喺廣州 Disco賣唱；栢芝離婚後，兩套新作《無價之寶》和《楊門女將》票房亦仆直， 08年淫照事件主角真運滯，連最近幾乎上岸 嘅 BoBo（陳文媛）亦遭殃。
據知其金融才俊男友金紫耀，今年 9月辭任威利（ 0273）董事總經理，暫冇嘢撈，而一直傳是美甲店老闆的 BoBo，卻原來只是打工受薪，近日亦愁爆在鋪內打躉。

32歲 BoBo（陳文媛）， 06年退出娛樂圈，近年專心打理其開設、位於北角的「 Crystal Jam」美甲店，拖住金融才俊未婚夫金紫耀出入馬場、 ball場，早前出席老友何韻詩《賈寶玉》祝捷會，何詩仲話：「佢嵋家做咗闊太，做緊生意，搵到自己好舒服環境。」表面幸福唔使憂



金紫耀最近清閒，早前本刊便發現佢到美甲店搵 BoBo，不過中佬年紀嘅佢，身形有點失修喎！

BoBo、何詩老友鬼鬼， 8月時就到場撐何詩〈賈寶玉〉祝捷會，何詩仲話：「佢過緊闊太生活。」

9月離職

表面風光，但近期卻出現暗湧。據知其男友金紫耀最近辭任威利國際（ 0273）董事總經理。
雖然經常被拍得跟老闆兼中南證券揸 fit人莊友堅一齊，不過原來莊生一直不滿其表現。「莊生只係當佢（金紫耀）同事，兩個其實唔係好 friend，最近對佢工作表現更有保留。」知情人士說。上週本刊亦致電威利國際，發言人證實金紫耀於上月已離職，但拒絕透露金是被炒還是自行辭職。



BoBo搏命金紫耀往找 BoBo時， BoBo正埋頭苦幹工作，完全唔得閒理男友。

BoBo未收得工，金紫耀便單拖跟朋友到四季酒店密密斟，似乎有大堆大計。

Edison搭上 Cammi，搞到形象插水，傳聞林建岳對此相當不滿，仲對 Edison閂水喉。

Edison、 BoBo 01年開始拍拖，拍咗 3年 BoBo最終頂唔住男方花心，最後分手。《忽然 1周》圖片

原來冇股份

未婚夫暫時清閒，本月初本刊便發現金紫耀先到位於舊公司樓下的 Crystal Jam搵 BoBo，再相約一班朋友到四季酒店密斟，之後再到北角接 BoBo收工，齊齊返寶馬山愛巢。
BoBo成個事頭婆咁款，但據知她其實只係掛名老闆，真正的老闆是威利揸 fit人莊友堅。而本刊亦查過該公司的商業登記，證實 BoBo只係該公司的董事並冇股份。 BoBo每月都係跟鋪內其他職員一樣等出糧，每月 7萬元租金亦由莊友堅支付；而金紫耀唔再打莊友堅工，又未同 BoBo結婚，睇嚟 BoBo富泰生活唔多穩陣。

老闆幫手

08年 1月爆發 Edison淫照事件，之後幾位主角相繼現身，唯獨 BoBo未見影，當時有傳佢喺美國同現任男友金紫耀結婚生仔，直至 8月本刊獨家拍得， BoBo同男友金紫耀，乘坐莊友堅好友、中渝置地老闆張松橋借出的私人飛機，由加拿大溫哥華秘密運 BoBo同金紫耀返港。



當年金紫耀仍然得寵，莊友堅便讓 BoBo坐私人飛機返港，希望佢可以避過傳媒追訪。

金紫耀經常黐實老闆莊友堅出席公開場合，俾人感覺係佢相當得寵，查實莊友堅對佢工作表現一直有保留。《蘋果日報》圖片

09年 8月 Crystal Jam開業，有傳係金紫耀打本畀 BoBo做老闆，實情幕後金主係莊友堅。但開幕當日莊友堅並無現身撐場，貫徹其低調作風。

arrow
arrow
    文章標籤
    bobo edison 本刊 0273 cammi 祝捷 收工 jam crystal 才俊
    全站熱搜

    stacylife 發表在 痞客邦 留言(0) 人氣()

    E-mail轉寄