許廷鏗上週四到佐敦訂果籃畀佢師姐欣宜，據知正積極洗底，不時與大師姐商量策略，務求穩固自己在唱片公司地位，免受羅力威威脅。

飲醉酒 瞓公園之後，新人王 24歲許廷鏗即時受無 綫和唱片公司下令洗底，直至頒獎禮前都禁出夜街；而同一時間，同樣歌唱比賽跑出的羅力威，經理人發生涉嫌偷咪事件後，即刻解約自保，據知最近四出撈，而許廷鏗所屬的唱片公司星煥眼見有人送上門，與羅力威即簽合約，準備明年出擊做新人王。
為保地位，許廷鏗近日拉攏同公司的欣宜一起對抗外敵，兩師姐弟感情一日千里，無 綫出身鬥亞視舊將，你話邊個贏？



早前涉嫌偷咪的羅力威前經理人方國華，現時以朋友形式幫羅接 job，包括傾唱片公司。

上週四（ 24日）晚 6點左右，本刊發現許廷鏗在佐敦出現，見佢拎住份 catalogue周街行，之後入了一間名牌禮品店，原來佢特登去訂果籃，仲拎張紙出 嚟題字，上面寫住「 Dear Joyce並肩作戰演出成功」，欣宜本週二開音樂會，原來係送畀師姐。嘩！成千幾蚊一個果籃，都算 揼本喎！

買千元果籃

如此有心，皆因有敵人入侵。最近亞視星光幫 嘅羅力威跟經理人解約，四圍向唱片公司敲門，雖然佢參選時係威係勢，又多 fans，不過隔 咗咁耐都冇碟出，冇晒人氣，最後只得星煥有興趣。知情人士說︰「羅力威同亞視已經冇約，經理人兼監製又涉嫌偷咪，連間唱片公司都摺埋，不過佢亞視味咁重，好難簽唱片公司。佢簽咗星煥要出年先公布得，話晒佢同 Alfred（許）歌路太似，無謂兩個都撞今年新人獎，所以羅力威留番下年先出囉！」



識氹師姐最有心唔係成千蚊嘅果籃，而係一句「並肩作戰」。

唔怕比較

雖然許廷鏗同欣宜都係今年新人，但欣宜始終係公司大師姐，而且人面又廣，許廷鏗梗係識揀，就連唱片公司內部都知佢哋最近行得好埋。被記者撞破買花贈師姐，許廷鏗怕醜到死，「係呀，我出碟佢都有撐我，大家都係為公司好。」但問到佢羅力威加盟，會唔會受威脅？許廷鏗臉色一沉，「有聽過，唔怕比較！」
記者致電羅力威，佢就承認已跟亞視滿約，本來經理人兼唱片監製方國華，就忽然變 咗朋友形式幫手，「好複雜，好難解釋，方生都有幫我傾唱片公司，同星煥係有見過面，但未有咩可以公布。」



撞晒歌路許廷鏗、羅力威都係歌唱比賽出身，兩人歌迷不時在網上互片，加上羅力威正式簽約星煥必然有一番惡鬥。

被偷影瞓公園之後，據知欣宜曾打電話鬧爆許廷鏗，現時兩人組成一黨合力抗敵。

arrow
arrow
    文章標籤
    唱片 公司 理人 涉嫌 新人 成千 出身 歌唱 公布 形式
    全站熱搜

    stacylife 發表在 痞客邦 留言(0) 人氣()

    E-mail轉寄