陳子聰因為三高引發心臟病，被醫生勸減肥，瘦咗唔少的他 fit番晒，因禍得福。

何超儀、陳子聰結婚八年，做咗何家女婿，型男變肥佬，體重有增無減，近年更一發不可收拾，衝上二百二十磅巔峰。即使超儀絕不介意，任老公「自由發展」，但三個月前，陳子聰突然出現腳腫及心口痛，入院檢查後，尿酸、膽固醇、血壓全部超標，引發心臟病。
健康響警號，超儀力勸老公減肥，三個月瘦身六十磅，型番晒都係小事，命仔緊要。

名牌西裝著唔落



今年二月肥爆

今年四月，何超儀憑電影《維多利亞壹號》角逐香港電影金像獎「最佳女主角」，演出獲好評，隨時有機做影后，超儀十分緊張，一早準備戰衣，包括陪伴出席的老公陳子聰。
「超儀揀衫唔難，但陳子聰就唔同，好多名牌西裝肯贊助，點知無套西裝啱老公著，最後子聰都係改番○三年，佢哋喺澳洲結婚嗰套西裝，真係有啲掃興！」超儀身邊人說。
同是演員及歌手的陳子聰，今年三月以廿四味名義推出唱片《 Bring It On》，出席宣傳活動期間體重超過二百磅，唔減肥，型唔起！連超儀亦投降，聲稱自己亦無辦法，唔知老公點解咁肥。
「因為要 keep，我依家已經好少食肉，亦唔會買肉返屋企煮，唔知佢喺邊度搞成咁樣！」超儀說。

戒酒戒肉瘦得快

外形走樣事小，影響健康事大。據了解，今年七月，陳子聰因為雙腳突然腫晒，加上心口痛，緊急入院檢查，才發現健康出毛病，尿酸、膽固醇、血壓全部超標，三高更引致心臟其中一條血管有問題，要食藥治療，醫生亦叮囑陳子聰要減肥及戒酒。
「身體有事，超儀梗唔俾老公肥落去，勒令子聰做運動，戒酒戒高脂食物，依家子聰都跟老婆一樣，食嘢健康咗好多，又戒晒牛肉同啤酒，因為控制得好，尿酸、膽固醇、血壓都正常番。就係戒酒、食少啲，佢已經瘦得好快，兩個月已經跌咗六十磅。」知情者說。
成功減磅，體重降至一百六十磅的陳子聰，近日亦蠢蠢欲動，與超儀拍住上搞新戲。
上週六（十一月五日），陳子聰同何超儀，約了張家輝到位於銅鑼灣禮頓道的假日皇冠酒店，商談新片計劃，由晚上十點傾至凌晨接近二時，離開時，一行人在酒店門外仍講唔停，家輝攬實超儀企住傾多近十分鐘，才捨得分開，各自回家。



何超儀、張家輝傾足四個鐘都唔夠，臨走前，仲企住傾多十分鐘。

何超儀積極電影事業，除了自家製作的《維多利亞壹號》，又衝出國際拍《世紀戰疫》，近日更拉攏張家輝合作。

陳子聰與 Sammi合拍《大搜查》，大肚腩跟扮大肚的 Sammi相映成趣。

04年，陳子聰與友人出海滑水，雖然挺住大肚腩，卻未上高峰期。（《忽然 1周》圖片）

何超儀憑《維多利亞壹號》角逐今年金像獎影后，老公卻因為太肥，出席頒獎禮當晚要穿回結婚時的西裝。

曾經型過

39歲的陳子聰， 92年由澳洲回流香港， 6呎身高，加上 41吋胸肌，被發掘做模特兒及舞蹈員，更被稱「香港木村拓哉」。 97年，陳子聰曾與梅艷芳傳緋聞，當時，陳子聰因俊朗外表，被梅姐睇中，力邀他拍 MV而撻着，他更向友人承認曾跟對方拍拖兩個月。
00年，陳子聰又被踢爆與「賭王女」何超儀拍拖，二人 03年拉埋天窗，做咗何家女婿後，陳子聰的身形便不斷發福，外形跟初出道時差天共地。



  

arrow
arrow
    文章標籤
    老公 戒酒 大肚 固醇 尿酸 六十 sammi 入院 瘦得 心口
    全站熱搜

    stacylife 發表在 痞客邦 留言(0) 人氣()

    E-mail轉寄