梁漢文早年形象好 stereotype,除是波牛一名又曾爆粗被雪,仲試過飲醉酒在記者面前跌入垃圾桶,唔只形象破過產,早幾年仲炒 燶股破埋產。每次佢都大難不死,出道 20年後 嘅今日,回應偶像陳百強名曲〈不再問究竟〉的〈一再問究竟〉全城熱播, MV成為 facebook洗版影片, 喺 YouTube有成 19萬 hit rate,仲將於明年 1月開第 4次個人演唱會《 Big Man》。次次事業死過翻生, Edmond唔係有不死身,只係有以下幾位好友幫佢擋煞送暖!

波友出力支持

梁漢文曾踢港隊青年軍,家踢晨曦 B隊,逢 2、 4、 6練波,風雨不改。續約唱片公司首作〈中鋒〉就用自己最擅長的足球暖場, MV仲好有面請晒 Big 4老友、明星足球隊員仲有食家盧覓雪,「我好少同波友訴苦,不過佢哋好撐我,加入球隊第一場波出埠加拿大,我成日俾人踢,佢 哋竟然唔理明星形象,成班衝過 嚟幫我出聲,特別係黃日華,佢好睇住我。」 MV內班波牛輸波好沮喪,入到更衣室內卻勁生猛,吹晒水認屎認屁,完全拍出麻甩兄弟情!「其實好多時,更衣室比場上更 fun。」就好似我哋外人睇娛樂圈人情如紙薄,同行如敵國,你卻可以 喺行內搵到 3個老死,仲唔係贏晒?



Big 5 Eason聲援


係人都知 Big 4係老死, friend足 20年大家百無禁忌,張衞健 喺 Edmond炒 燶股時就開出巨額支票畀佢度過難關,不過,肯為佢企出來講說話的又豈只老友,「 Eason其實係 Big 5。」平日口多多 嘅 Eason喺上次《 DUO演唱會》表演,佢為 Edmond作曲 嘅〈 PG家長指引〉時感嘆:「我好戥梁漢文唔抵,冇人睇到佢有幾努力!」二人同屬早期華星又係明星足球隊隊友,「阿臣係兄弟,我從來係個報喜不報憂 嘅人,不過惟獨係同佢冇秘密,佢對我所有遭遇都一清二楚。你知佢個人咩都講,你知唔知佢有次凌晨 2點 喺 7-11撞到 fans,吹水吹到 6點至放人走。每次唔開心想搵佢傾偈,都係有佢講冇我講!」算啦,我 哋都慣晒!

老婆全豬宴打氣


波友力撐、 Eason聲援都不及家人好 餸支持,身為家中長子,細個父母開報紙檔,凌晨就要出門開工疊報紙, Edmond習慣 咗咩都自己搞掂,惟獨開演唱會時才有人照顧,「媽咪會沖花旗參茶我飲、又會煮我最鍾意 嘅魚片炒菜、阿姨煮栗子雞。老婆仲勁,為我學煮飯,我記得佢第一次為我煮 嘅晚餐係全豬餐,豬扒、金沙骨同叉燒。」其實你主持《美女廚房》不嬲都有口福㗎啦,「主持 咗咁耐,我試過做完節目因食得太多生 嘢,而成肚沙門氏菌入院, 嗰排瘦 咗十幾磅,所以家咩 餸都覺得好味。」咁多愛心餐食,好彩冇食肥,宣傳海報唔使 photoshop都有齊 6嚿腹肌,勁!

Check!
筋肉爆衫海報谷買飛!


《 2012 Big Man演唱會》
日期: 2012年 1月 28-29日
時間: 8:15pm
地點:紅館
購票熱線: 2734 9009

Check!
〈不再問究竟〉 Vs〈一再問究竟〉

'85推出的〈不再問究竟〉由已故大師林振強填詞,內容講傷心的主角被位小朋友不停追問喊的原因,最後惟有陪佢去玩,希望唔好再被追問。而〈一再問究竟〉小朋友終於長大,有自己的傷心事,先明白到當年自己的「一再問究竟」 hurt到嗰位哥哥。今次填詞的小克仲話,佢最初諗極都諗唔到點寫,後來突然有日靈感湧現,而嗰日正正就係陳百強的死忌,真係邪到你唔信!



  

梁漢文早年形象好 stereotype,除是波牛一名又曾爆粗被雪,仲試過飲醉酒在記者面前跌入垃圾桶,唔只形象破過產,早幾年仲炒 燶股破埋產。每次佢都大難不死,出道 20年後 嘅今日,回應偶像陳百強名曲〈不再問究竟〉的〈一再問究竟〉全城熱播, MV成為 facebook洗版影片, 喺 YouTube有成 19萬 hit rate,仲將於明年 1月開第 4次個人演唱會《 Big Man》。次次事業死過翻生, Edmond唔係有不死身,只係有以下幾位好友幫佢擋煞送暖!

波友出力支持

梁漢文曾踢港隊青年軍,家踢晨曦 B隊,逢 2、 4、 6練波,風雨不改。續約唱片公司首作〈中鋒〉就用自己最擅長的足球暖場, MV仲好有面請晒 Big 4老友、明星足球隊員仲有食家盧覓雪,「我好少同波友訴苦,不過佢哋好撐我,加入球隊第一場波出埠加拿大,我成日俾人踢,佢 哋竟然唔理明星形象,成班衝過 嚟幫我出聲,特別係黃日華,佢好睇住我。」 MV內班波牛輸波好沮喪,入到更衣室內卻勁生猛,吹晒水認屎認屁,完全拍出麻甩兄弟情!「其實好多時,更衣室比場上更 fun。」就好似我哋外人睇娛樂圈人情如紙薄,同行如敵國,你卻可以 喺行內搵到 3個老死,仲唔係贏晒?



Big 5 Eason聲援


係人都知 Big 4係老死, friend足 20年大家百無禁忌,張衞健 喺 Edmond炒 燶股時就開出巨額支票畀佢度過難關,不過,肯為佢企出來講說話的又豈只老友,「 Eason其實係 Big 5。」平日口多多 嘅 Eason喺上次《 DUO演唱會》表演,佢為 Edmond作曲 嘅〈 PG家長指引〉時感嘆:「我好戥梁漢文唔抵,冇人睇到佢有幾努力!」二人同屬早期華星又係明星足球隊隊友,「阿臣係兄弟,我從來係個報喜不報憂 嘅人,不過惟獨係同佢冇秘密,佢對我所有遭遇都一清二楚。你知佢個人咩都講,你知唔知佢有次凌晨 2點 喺 7-11撞到 fans,吹水吹到 6點至放人走。每次唔開心想搵佢傾偈,都係有佢講冇我講!」算啦,我 哋都慣晒!

老婆全豬宴打氣


波友力撐、 Eason聲援都不及家人好 餸支持,身為家中長子,細個父母開報紙檔,凌晨就要出門開工疊報紙, Edmond習慣 咗咩都自己搞掂,惟獨開演唱會時才有人照顧,「媽咪會沖花旗參茶我飲、又會煮我最鍾意 嘅魚片炒菜、阿姨煮栗子雞。老婆仲勁,為我學煮飯,我記得佢第一次為我煮 嘅晚餐係全豬餐,豬扒、金沙骨同叉燒。」其實你主持《美女廚房》不嬲都有口福㗎啦,「主持 咗咁耐,我試過做完節目因食得太多生 嘢,而成肚沙門氏菌入院, 嗰排瘦 咗十幾磅,所以家咩 餸都覺得好味。」咁多愛心餐食,好彩冇食肥,宣傳海報唔使 photoshop都有齊 6嚿腹肌,勁!

Check!
筋肉爆衫海報谷買飛!


《 2012 Big Man演唱會》
日期: 2012年 1月 28-29日
時間: 8:15pm
地點:紅館
購票熱線: 2734 9009

Check!
〈不再問究竟〉 Vs〈一再問究竟〉

'85推出的〈不再問究竟〉由已故大師林振強填詞,內容講傷心的主角被位小朋友不停追問喊的原因,最後惟有陪佢去玩,希望唔好再被追問。而〈一再問究竟〉小朋友終於長大,有自己的傷心事,先明白到當年自己的「一再問究竟」 hurt到嗰位哥哥。今次填詞的小克仲話,佢最初諗極都諗唔到點寫,後來突然有日靈感湧現,而嗰日正正就係陳百強的死忌,真係邪到你唔信!



 

創作者介紹
創作者 stacy4life 的頭像
stacy4life

娛樂八掛大分享☆

stacylife 發表在 痞客邦 留言(0) 人氣()