透視 bra上台時,茵媺因唔知自己透視露 bra,所以一直笑住口表現得好自然。

 

陳茵媺自從同陳豪公開戀情後,人亦開心咗,連警覺性都放鬆埋。好似週日( 13日)陳茵媺同埋《法政先鋒 III》拍檔徐子珊及黎耀祥一齊做宣傳,當日茵媺就以一身黑 tee恤及熱褲上場,露出白滑玉腿已令現場觀眾為之醒神。
至激係超薄黑 tee透出淺色 bra成功搶晒鏡,茵媺就傻更更話:「我都唔知,下次會小心啲,出街前會影張相睇下。」而喺加拿大長大嘅茵媺亦特別熱情,當日見佢玩遊戲時,唔只雙手搭住黎耀祥膊頭,仲將咪咪直壓對方手臂。茵媺同黎耀祥 friend還 friend,話晒對方有老婆,自己又有男友,都係小心啲好。

 



同黎耀祥玩遊戲時,茵媺一直黐住視帝祥仔,咪咪仲直壓對方手臂,完全唔錫身。

上週五( 11日),陳豪就為 11對新人見證舉行「 6條 1」婚禮,被問到同陳茵媺將來嘅婚禮,阿 Mo話:「考慮跳傘或潛水結婚,拍低畀將來啲孫仔睇!」真係 sweet到暈。

識做企歪


 

影大合照嗰陣,陳茵媺刻意企歪,俾子珊企正中間,勁識撈。

arrow
arrow
    全站熱搜

    stacylife 發表在 痞客邦 留言(0) 人氣()