娛樂八掛大分享☆

樂瞳在《點解阿 Sir係阿 Sir》飾演「中女」一角，經常睩大雙眼扮惡鬧人，跟三個男同學組 K4做學校壞分子，橫行霸道。不過現實中，此「中女」原來只是鵪鶉，求學時期被女同學杯葛，自認是「薯仔」，卻喜歡跟男生玩。

入行不久已拍過幾套劇集的樂瞳，近日憑在《點解阿 Sir係阿 Sir》中飾演「中女」而人氣急升。劇中樂瞳與三個男學生聯群結黨，經常與男同行，這點與現實中的她差不多，她說：「我覺得女孩子嘅世界會較多是非，無端端又會杯葛你，做朋友其實好簡單。中學時候，有啲女同學突然憎我，話我好寸，其實我個人好乖，係薯仔。我都會有女仔朋友，但通常玩、吹水就同男仔多，覺得會開心啲。」她表示與相熟的人才會表露粗豪的真性情。

放大圖片

樂瞳說自己不易發怒，即使遇上不快事都會回家才哭。

放大圖片

自認喜歡與男仔玩的樂瞳，早前被拍得與《點》劇兩位男演員逛街。資料圖片

自覺演得過火 放大圖片

在《點》劇中演「中女」的樂瞳（右二）自覺演技有點過火。劇照

離開角色，樂瞳原來是鵪鶉，她指自己不易發怒，並說：「有乜事都㩒住，唔開心返到屋企先喊，但對男朋友會苛刻啲，中女都係想人錫、吓錫吓，我係幾倚賴男朋友嘅人。」在《點》劇的角色野蠻，問樂瞳怕不怕有反效果惹人反感？她謂：「呢個角色性格唔係太討好，但反而啲人鍾意。我都覺得自己演技 over咗少少，家豪哥（監製）都有咁講，但因為最尾我會變番乖，佢覺得之前曳可以凸顯個轉變，所以接受咗。」

學懂投入角色

拍完《點》劇，樂瞳有感自己的演技比以前進步了，並學懂如何投入角色，她說：「之前有套劇講我爸爸死咗，但我情緒唔到喊唔出，經驗真係尚淺，家好啲，我畀自己 70分。」採訪：王連連攝影：陳慧安髮型： Morris（ Ilcolpo）服裝： Collect Point


樂瞳覺得女孩子的世界較多是非，所以她喜愛與男孩子同行。