梁嘉琪原來同劇中拍檔江若琳一樣,大家都試過戶口得幾廿蚊,安信可以諗吓搵佢哋做安信姊妹拍廣告喎!

Macy:有請食飯

承認向友好借過錢嘅嘉琪話自己喺 TVB冇乜朋友,最 friend係當年同讀演藝學院戲劇課同學王祖藍及同期出道嘅陳美詩( Macy)。本刊問 Macy有冇接濟過好友,佢話:「都有請佢食飯,同帶佢返教會。」

03年喺演藝學院畢業,隨即加入有線娛樂新聞台做主播嘅梁嘉琪, 08年轉型入 TVB拍劇,當時仍係無綫一般藝員合約嘅佢,月薪只有 6千蚊,但為咗發明星夢,窮都要捱。

 

放大圖片

江若琳
咁似我嘅?設計對白《忽然 1周》圖片

 

逐步上位

 

 

放大圖片

'11《洪武三十二》
收視:平均 26點
雖然被觀眾投訴劇集渲淫、又因劇中演員有謝天華、江若琳等人而被網民笑稱《洪武》係《學警》古裝版,但飾演孝愍讓皇后嘅梁嘉琪戲分唔多,戲中更要自刎而死!

 
放大圖片

'11《女拳》
收視:平均 27點
劉璇擔正嘅《女拳》收視不錯,大結局安排與金像獎對撼,梁嘉琪用刀狠插壞蛋老公馬國明 16刀,被網友話「我好驚得罪梁嘉琪。」證明佢演技進步咗喇!

 
放大圖片

'09《學警狙擊》
收視:平均 30點
《學警》捧紅咗做 Laughing Gor嘅謝天華,但亦令當時首次戲分重、飾演學警嘅梁嘉琪,被狂插演技,話佢屎戲兼造作,令佢當時壓力好大!

 

問 friend借錢

入無綫後,第一部重頭劇係 08年拍住陳鍵鋒及吳卓羲嘅《學警狙擊》,可惜演技幼嫩惹來惡評:「雖然當時有機會同江若琳孖住做女角,但可能我真係未夠班,好多網友都話好憎我個角色,仲話睇到我要轉台,所以我都唔開心咗一段時間。靜咗差唔多 2年時間,我都只係客串吓啲劇集做閒角,收入根本唔夠使,我以前(有線)一出糧都可以好豪咁畀家用,但嗰兩年真係畀唔到,我自己都唔夠使,但我驚屋企人擔心,日日出街扮返工,仲試過問最 close嘅朋友借錢添,最窮嗰陣,我試過戶口得番幾廿蚊。」

 

放大圖片

年齡: 29
身高: 164cm
體重: 100lbs
三圍: 32、 23、 34
採訪當日,梁嘉琪擺起 pose都有板有眼,佢話有時喺屋企都會對住塊鏡練習。

 
放大圖片

梁嘉琪稱《女拳》監製羅永賢因睇中佢喺《囧探》個喊包樣,所以搵佢飾演《女拳》雪喬個悲情角色。

 

喊住上位

發霉期間,佢客串《囧探查過界》時因角色要成日喊,因而成功被《女拳》監製羅永賢睇中,先畀機會佢在《女》劇拍住小生馬國明做夫妻,結果令佢殺夫狼心上位,更有機會拍台慶劇《回到三國》,「我都好多謝呢部劇嘅監製,因為我唔識擦鞋兼埋堆,但佢哋好肯畀機會我,尤其《三國》監製家豪哥(劉家豪),畀機會我同林峯做夫妻,我第一次同林峯做對手,但佢都好認真,絕冇因潘霜霜件事影響拍劇,戲入面我做佢老婆(諸葛嫂)要化淡妝病樣演出,雖然戲分唔多,但難得拍到台慶劇我都好開心。」

冇搵前度張繼聰

張繼聰同梁嘉琪呢對舊情人,早喺 98年讀演藝學院時認識,張繼聰早梁嘉琪一屆,以師兄身份成日教佢做戲成功溝掂,但有傳因男嘅恨結婚生仔、女嘅恨入娛樂圈,兩人拍拖 7年,去到 05年傳被謝安琪介入導致分手收場。佢話:「人哋家都結晒婚、生埋仔喇,都冇嘢好提啦!」《蘋果日報》圖片

Kay姐睇實

張繼聰與謝安琪都係大埔恩主教書院畢業,兩人喺 07年結婚後同年更添咗男丁張瞻。張繼聰事業一直未及天后級嘅老婆理想,雖然成日被取笑夫憑妻貴,但一家三口都叫幸福之家。《蘋果日報》圖片

奀星情人

訪問期間梁嘉琪除咗爆辛酸史,亦都有自爆喺發霉期曾經同個奀星曖昧咗一年,二人僅 SMS、傾電話和出街食飯,礙於佢自己事業停滯不前,同埋擔心男方未必養得起佢,所以嘉琪以「唔啱 timing」來形容呢段情,本刊翻查同佢合作過嘅奀星,有兩個疑似奀星情人嘅可能。而佢亦喺一再追問下死口唔講係邊個,佢話:「總之嗰個人係圈中人,我家係單身,唔講嗰個係邊個喇!」

 

放大圖片

揚明
喺 09年兩人曾拍《囧探查過界》其中嘅單元〈富商情殺案〉中飾演情侶,照推測有可能戲假情真。

 
放大圖片

楊鴻俊
兩人分別一同拍過《法證先鋒》、《學警狙擊》、《情人眼裏高一 D》及《洪武三十二》,咁多套劇都有兩人份,碰頭機會咁多,擦出愛火一啲都唔奇!

我真係好驚得罪梁嘉琪

 
 

Posted by stacy4life at 痞客邦 PIXNET 留言(0) 引用(0) 人氣()