新戲《關雲長》同宇宙最強甄子丹合作，麥兆輝的作品粒粒巨星，劉華黎明古天樂 Sammi劉青雲等數都數唔晒，非常有江湖地位。
祝君健康
向太召名醫急救　麥兆輝生腦瘤：我操勞過度
2011年05月11日
拍過《無間道》系列的金像大導麥兆輝，最近搵宇宙最強甄子丹孭飛的新作《關雲長》，上畫 11日在港收 700萬，在內地更狂收 1.3億人仔，成為 5.1黃金週票房冠軍，威到盡！
套套收得，麥兆輝宣傳完《關》片即刻要為《竊聽風雲 2》做後期，年尾又要開拍由梁朝偉主演的間諜片《聽風者》。做到冇停手，有傳麥大導身體頂唔住，驗出腦部生腫瘤，要向曾生腦瘤的向華強太太陳嵐求救。
分分鐘要開腦做手術，麥大導話都係太忙累事：「醫生話我操勞過度，不過你睇我家肥獅大隻，冇事啦！」女細老婆嫩，唔好搵命博呀！
自從 03年憑《無間道》成為香港金像獎「最佳編劇」及「最佳導演」，麥兆輝開戲冇停手，最新的《關雲長》亦順利成為票房冠軍，唔係撞正老外和陀地雷神夾擊，分分鐘收過千萬。


佢攰得滯！（真實對白）
麥兆輝 09年迎娶 PR女友鍾慧得，同年老婆生咗囡囡麥子翹，兩父女餅印一樣。老公唔舒服，麥太週一在電話中表示老公家身體好健康，「佢冇乜嘢呀，只係攰得滯啫！」
 
女細老婆索
 
麥兆輝（黃圈）甚少執導向太（紅圈）中國星的戲，但二人關係唔錯，麥兆輝開到聲求救，向太亦冇托手踭。《蘋果日報》圖片
 
98年拍謝君豪同周海媚套《追兇二十年》出道，成為一線大導演前，麥兆輝（左）冇錢冇面，連女友都離棄佢，要屈居阿哥屋企寫《無間道》，更於 02年和劉偉強（右）合作執導兼梁朝偉、劉德華等助陣，當年票房勁收 5,500萬，更在 03年成為金像獎「最佳編劇」及「最佳導演」。

頻頻見暈
經常香港內地兩邊走，麥兆輝幾乎全年未停過手，計埋即將開拍的《聽風者》，今年未過一半已執導 3齣電影，另外又要負責做後期製作及宣傳，身兼幾職。
據知麥兆輝最近發現身體唔妥，驗身更照到腦部有腫瘤：「 Alan（麥兆輝）前排成日頭暈，初時以為好小事，後尾暈得愈嚟愈密，咪去睇醫生囉，照完發現腦入面有個瘤。嗰排佢好 down，成日約 friend出嚟呻，話個女仲細，唔可以有事！」知情人士透露。
拍檔搞 gag


佢生痔瘡！（真實對白）
你睇我肥獅大隻，冇事啦！（真實對白）

麥兆輝（右）上週六被問到係咪生腦瘤時，最佳拍檔莊文強（左）笑笑口指麥唔係生腦瘤而係生痔瘡，仲話唔可以好似麥導咁搏，「佢搏命接戲，我就唔得喇，要扯白旗，搞埋偉仔套《聽風者》，我一定要放長假唞吓！」係囉，學吓啦，工作狂都要唞 o架！
唔食藥都得
據中大內科藥物治療學系腦神經科主任黃家星教授表示，腦瘤可引致視覺、聽覺等神經受損，嚴重可影響日常生活，而成因不明，好多人會無故生瘤，「視乎個瘤係良性定惡性，生喺咩位置，如果係惡性即係 cancer，要做手術或化療，但如果屬良性又唔壓住神經線，病人基本上唔使理個瘤，藥都唔需要食。好多生腦瘤嘅人會頭痛頭暈，但亦有人係完全冇先兆，到驗身先發現。」 
黃家星教授 


認搵向太幫手
生腦瘤可大可小，麥兆輝得悉向太陳嵐同樣受過腦瘤折磨，更於去年做完手術後已完全康復，於是急搵向太求救，向太亦即時介紹名醫畀麥兆輝。
上週六（ 7日），麥兆輝出席《關雲長》慶功時承認有搵向太幫手，但就避忌唔肯講係咪生腦瘤。
F：《 FACE》　麥：麥兆輝
F：導演近排身體係咪有事呀？係咪呢幾年搏得太盡太辛苦？
麥：小事嚟啫！我覺得仲未算最搏，可以再搏啲，如果我受唔住金錢誘惑，一定唔只家陣咁忙！
F：係咪照到腦部生咗個瘤？老婆係咪好擔心呀？
麥：吓？其實冇乜嘢，醫生話我操勞過度，休息唔夠，你睇我家肥獅大隻，冇事啦！
F：係咪搵咗向太幫手介紹醫生畀你？
麥：係呀，我有搵向太幫手，佢之前都有呢個病，不過向太已經冇晒事，我都冇事喇，連藥都唔使食！多謝大家關心！
呢頭話冇生腦瘤嗰頭又話向太都有過呢個病，麥大導個劇本對白犯駁喎！
關公變咗外星人
《關雲長》內地勁收，香港暫時都收 700萬，不過有網友睇完狂插劇情唔跟原著《三國演義》，曹操由奸雄變英雄，關二哥又勾義嫂，顛覆歷史！其實編劇兼監製麥兆輝及莊文強解釋過想將角色拍得人性化，唔係想拍歷史巨著。睇場戲啫，輕鬆啲啦香港人！

勾義嫂
戲中關雲長要護送劉備未過門的妾侍綺蘭（孫儷飾）返劉備身邊，但原來綺蘭只係一個虛構人物，而戲中又交代關雲長被曹操餵食春藥搞到差啲勾義嫂，關公正氣形象冇晒！ 


似西片
片名話明係《關雲長》，梗有多場丹爺 solo打戲，有網友指電影的武打場面雖然處理得唔錯，但後段丹爺一手揸刀一隻手拉弓的姿勢太西片 feel，似 Rambo多過似關公！ 


生得矮
據知關公身形高大，有成 9呎高，但丹爺只得 5呎 7，而且戲中丹爺把鬚又留得唔夠長，同有「美鬚公」之稱的關雲長差得遠。自知外形有差別的丹爺叫觀眾唔好只比較身高，「我唔介意大家點睇，關公係歷史人物，先入為主在所難免！」 


狗皇帝
戲中關公竟然被本屬同一陣線的漢獻帝（王柏傑飾）設局埋伏，而關公又想幫原本係敵人的曹操殺敵，正邪大兜亂，睇到觀眾 O晒嘴！

香港導演麥兆輝生腦瘤 向華強太太召名醫急救

拍過《無間道》系列的香港金像獎大導演麥兆輝，最近找宇宙最強甄子丹主演的新作《關雲長》，上映11日在港收700萬，在內地更狂收1.3億人民幣，成爲五一黃金周票房冠軍，十分威風！

套套電影都大賣，麥兆輝宣傳完《關雲長》後立刻要爲《竊聽風雲2》做後期，年底又要開拍梁朝偉主演的《聽風者》。做到不停手，有傳麥兆輝身體頂不住，驗出腦部生腫瘤，要向曾生腦瘤的向華強太太陳岚求救。隨時都要開腦做手術，麥兆輝說因爲太忙累事：“醫生說我操勞過度，不過你看我現在這麽胖，沒事的。”

arrow
arrow
    全站熱搜

    stacy4life 發表在 痞客邦 留言(0) 人氣()

    E-mail轉寄