許秋怡和張智霖（ Chilam）這對上世紀舊情人，至今已各自擁有幸福家庭，兩人大前晚在紅館舞台重逢，還合唱經典金曲《現代愛情故事》，時光倒流，一曲泯恩仇，更重要是得到老公王書麒在台下默默支持，性格爽直的秋怡自然可以向 Chilam送上祝福。撰文：比華利


其他娛樂名人影片

許秋怡和張智霖 91年合唱一曲《現代愛情故事》成為經典，想當年這首歌熱爆卡拉 OK，更橫掃多個音樂頒獎禮，二人曾在紅館頒獎台牽手合唱，有指他們一曲撻着，可是最後 Chilam移情袁詠儀（靚靚），二人其後各有發展。 Chilam大前晚再在紅館開騷，邀來舊愛撐場，與秋怡翻唱經典金曲，為整晚掀起高潮。

放大圖片
知足常樂，秋怡很享受現在事業與家庭並重的快樂人生。

知足常樂，秋怡很享受現在事業與家庭並重的快樂人生。

放大圖片
《 21世紀》<br/>與王書麒結婚後，為秋怡帶來一個幸福家庭。

《 21世紀》與王書麒結婚後，為秋怡帶來一個幸福家庭。

與靚靚有偈傾

秋怡有情有義撐舊愛場，備受歌迷欣賞，她昨日在何文田接受本報專訪時，仍難掩興奮，她說：「當晚我其實好緊張，臨出場時，蔡一智同老公（王書麒）係咁拖實畀支持我，當升降台慢慢升上，聽到觀眾歡呼我先定啲。」秋怡直認在後台也有跟靚靚閒談。當晚秋怡甫上台便跟 Chilam握手兼深情擁抱，她輕拍 Chilam背部送上無限支持，其間還見秋怡眼紅紅，二人無懼台下的另一半袁詠儀和王書麒監場。原來這一幕是真情流露，綵排時並沒有，秋怡說：「哎呀，我真係睇番啲片先知自己有做過，因為嗰一刻我係腦海空白一片， 19年後重踏紅館，觀眾熱烈氣氛，令我好有滿足感，見到 Chilam可以喺紅館開騷，完成自己理想，我衷心戥佢開心。」當二人投入歌曲中，自然拖手演唱，秋怡說：「真係現場觀眾帶動出氣氛，好澎湃。」坊間一直盛傳秋怡與 Chilam之間過去 19年心存芥蒂，她大方否認：「我真係冇嘢，只不過大家各有各忙，人大嗰咗，諗嘢同以前真係唔同。其實好多年前，我同書麒喺元朗食嘢撞到嚟拍戲嘅 Chilam，大家都有打招呼傾偈，佢當時仲未生 BB，我仲催佢快啲生仔。」問到秋怡現在可有甚麼說話跟舊拍檔 Chilam說，秋怡馬上送上鼓勵：「我睇到 Chilam為呢次演唱會好博， keep得好弗，作為朋友，我由心度戥佢開心。」

放大圖片
《 90年代》<br/>91年秋怡和 Chilam以情侶檔闖樂壇，火速彈出。

《 90年代》91年秋怡和 Chilam以情侶檔闖樂壇，火速彈出。

放大圖片
《大前晚》<br/>秋怡與舊愛 Chilam在紅館合唱經典作《現代愛情故事》掀高潮。

《大前晚》秋怡與舊愛 Chilam在紅館合唱經典作《現代愛情故事》掀高潮。

老公台下拍掌

如果再唱《現代愛情故事》 part 2，秋怡會繼續選 Chilam還是老公書麒，她說：「好難答，始終呢首歌開始係同 Chilam唱，根深柢固，不過我喺內地登台都成日同老公唱，老公把聲都好厚，調轉唱都唔錯。」秋怡表示全憑書麒在台下拍掌支持，令她吃下定心丸。


入行 20年的秋怡，雖已為人母，但仍不減少女氣息，外貌更如吃了防腐劑。攝影：林德雄

許秋怡 愛情故事 永不滅

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄