小 JM 3月 8日滿月時，嘉欣喺聖安娜買咗個$199蛋糕返屋企，雖然 2百蚊都唔使，不過大美人肯落手落腳親自 D.I.Y.，幾多錢都買唔到！
藍血族譜
200億繼承人　嘉亨金叵羅叫許建彤
2011年03月30日
2月 8日誕下金叵羅 Jayden Max的李嘉欣，成為媽咪後不時將囝囝生活照上載到微博，同粉絲分享小 JM成長過程。
即將為小 JM舉行百日宴的嘉欣，早前透露為爭改兒子中文名而同老公許晉亨耍花槍，不過許家身為大家族，改名一事始終要由許家話事。本刊率先得到小 JM的出世紙，發現小 JM的中文名為「許建彤」，其中「建」字根據族譜排列，而「彤」字則由亨亨決定。
其實改名係其次，條命生得好先最緊要！ 


李嘉欣上月向傳媒透露同老公爭取為小 JM改中文名，當時把握十足的嘉欣話「老公覺得我改咗英文名，中文名應該由佢改，但我又覺得我改嘅中文名好過佢，所以未知用邊個。」
跟族譜改名 
嘉亨幾星期前撇甩小 JM，繞住手去中環文華東方酒店撐枱腳，其間未坐滿月嘅嘉欣更高興到唔理餵緊人奶都照飲酒。

雖然畢業於瑪利諾修院學校的嘉欣會考 27分兼有 4個 A，可惜幾叻都冇用，改名權最終落入亨亨手上，而嘉欣日前亦已認輸，「中文名已經決定咗，會用 Julien（許晉亨）嗰個，家等爺爺拍板。」
嘉亨上週二（ 22日）為小 JM攞出世紙，從出世紙資料所見，小 JM叫「許建彤」，英文名則如早前公布一樣為「 Jayden Max」。已故船王許愛周家族的族譜，第三代許晉亨一輩的子女分別用「晉」及「雪」字，到第四代的小 JM則以「建」字改名。
君悅百日宴
錫仔錫到燶的嘉欣，前排趁小 JM滿月親手整蛋糕，又打算成立「 JMJ慈善基金」幫助貧童，為乖仔積福。據知嘉亨計劃於 5月 19日為小 JM舉行百日宴，到時小 JM將會首次公開亮相。「百日宴會喺灣仔君悅酒店搞，賓客名單暫時仲未定，其實 Grand Hyatt原本可以擺到 50圍，不過嘉亨唔想親戚朋友坐得太迫，所以應該唔會擺足咁多圍。」知情人士透露。
至於嘉欣的經理人陳善之亦表示嘉欣未有確定復出日期。好在嘉欣唔使趕住產後復出，大把時間幫囝囝搞好個百日宴啦！


嘉欣上週六再同老公二人世界，仲喺微博晒幸福，話亨亨唔畀佢揸車，錫住佢咁話！

據堪輿學家麥玲玲師傅話，小 JM命格屬木，「建彤」兩字有木有火，非常適合小 JM，「單以筆劃計，『彤』字唔係特別好，但改名最緊要夾番條命，小 JM初春出世，需要火去取暖，『彤』屬火、『建』就又係木火，而且『彤』呢個字比較斯文，適合將來官仔骨骨嘅小 JM。」


小 JM出世後 42日先改到中文名，睇嚟嘉亨為咗阿仔個名都拗咗好耐喎！出世紙上面填寫嘅申請人係許晉亨，小 JM個中文名亦係爸爸改嘅，亨亨贏番一次。

撳屋企錢
許晉亨爺爺許愛周係已故船王， 30年代已參與運輸及酒店生意，擁有中區、山頂、尖沙咀一帶地皮。為免子女爭產，許愛周將 200億遺產平均分配，現時多名包括許晉亨在內的兒孫每月由家族基金拎生活費，用幾多攞幾多。而許愛周三子、許晉亨父親許世勳，只有小 JM一粒內孫，難怪嘉欣都話改名一定要老爺 say yes啦！
肥肚唔肥人餐單曝光
大肚期間都靚爆鏡的嘉欣，早前在微博公開自己的懷孕餐單，詳細列明早午晚餐同下午茶的分量。根據家庭醫生關嘉美表示，餐單中的食物種類非常多元化，「餐單中每樣食物都有啲，但比較偏重蛋白質同纖維，其實每個孕婦體質唔同，冇話一張餐單啱晒所有人，懷孕期間每個禮拜重一磅就正常喇！」

李嘉欣許晉亨愛子出世紙曝光 中文名叫許建彤

李嘉欣許晉亨兒子中文名曝光
2月8日誕下愛子Jayden Max的李嘉欣，成爲媽咪後不時將兒子生活照上載到微博，同粉絲分享小JM成長過程。

即將爲小JM舉行百日宴的李嘉欣，早前透露爲爭改兒子中文名而同老公許晉亨耍花槍，不過許家身爲大家族，改名一事始終要由許家決定。記者率先得到小JM的出世紙，發現小JM的中文名爲許建彤，其中“建”字根據族譜排列，而“彤”字則由許晉亨決定。

arrow
arrow
    全站熱搜

    stacy4life 發表在 痞客邦 留言(0) 人氣()

    E-mail轉寄