改車這東西是一種很個人化的玩意，一擲萬金亦在所不計，不過要型要搶眼都要講實用，將一部豪華版 Hiace Low低到不可理喻的地步，行車時貼地飛馳般當然過癮，不過上山下海唔好預佢，地下個窿大啲都刮底，出街前要計過度過，唔怕老婆鬧爆至怪。記者：趙慧敏攝影：楊錦文Model： Hazel@GME Models
汽車要揀靚路行 放大圖片 
■原裝頭中尾排配備三個天窗，今時今日的車款都唔多見。
相約採訪影相，從來只是遷就記者與車主，不過這次竟然首要考慮拍攝車輛可行走的路面，車主不熟悉的路就拒絕採訪，咁高竇？原來係因為怕架車遇到一些特殊路面，例如爛地、上落斜路，都可能因車身太低而行唔到，咁限制？就偏偏有人自得其樂。雖然這部只是我們每日在街上遇上百次的 Hiace，且是 98年產品，坦白說並非貴價貨，不過特別之處在於是電油版，而且是原裝七座，配備絲絨座椅，雖然夠豪華，不過電油版的油費都唔會平，事實又真係幾貴， 2.4公升引擎，一公里便要$2.8。不過你咪理，車主兩年前由日本 Bit佢返來後，就開始為它改造粉飾，務求將它打造成另類豪華七人車之外，外形亦要夠搶夠爆。
遇窿要兜路走
究竟有幾爆？ Two Tone的車身，上銀下灰， Hiace已經少見，且換上貼地包圍，更加充滿東瀛味，不過香港人要改這種包圍可謂萬中無一，所以惟有從不同來源搜購返來，車頭泵把是 Second House製品，裙腳、沙板及尾泵把等，則從日本網上搜羅，因為部份配件要做到超誇超大，所以配件買回來後仍要經過人手加工改做，結果製成這輛相信在香港獨一無二的 Hiace仕樣車。改裝後全車離地僅餘 3吋左右空間，再配上超大排氣喉，望上去真係幾型，車主試過坐足七人，車身貼地程度更誇張，要騎上行人路免問，遇到慢速路肩或路面個窿深啲，車主都會兜路走。
放大圖片 
放大圖片 
放大圖片 
■外拋形的轆眉夠晒養眼，不過要用超長門鉸開闊電索門。
放大圖片 
■連雨擋都配有包圍，令車形更具立體感。
放大圖片 
■尾擾流加上超大排氣喉，是車主加工的 DIY產品。
放大圖片 
放大圖片 
■頂尾擾流，踢走客貨車的笨拙感。
放大圖片 
■頭包圍離地僅 3吋，要鏟上行人路，唔使預佢！
座椅 360°調校 放大圖片 
■前排配備小几，方便擺放雜物。
除了 Low低之外，為營造誇張的車形，車主花了年多時間從日本找到一款外拋的轆眉，不過改裝後另一問題又出現，原來的電索門過不了誇張的轆眉，於是又找來一款特長的門鉸改裝，令車門外橫趟時避開轆眉。至於內櫳，雖然逾十年歷史，不過豪配一啲都唔輸蝕，全車七座椅之餘，中排座椅可 360°調校，與後排對望一樣得，空間較現時一般豪華七人車有過之而無不及，騰出的空間甚至可以放上一張小茶几。另外車頂置有三組天窗，駕駛座、中後排同樣享有天窗開揚感，問你服未！車主講明改造工程仍未完成，從日本訂購的尾中置擾流稍後寄到後，又開始第二階段改裝工程。不過講到明，架車出街都就住就住，當然唔係一般客貨車即 Call即到，而是純自用座駕，想搵佢幫你送貨，決絕 No Way！
放大圖片 
■全車七座絲絨座椅，是七人豪華車格局。
放大圖片 
■中排 180°移動後，傾偈食嘢玩啤牌都得。
留言列表
