繼黎姿誕下孖女後，一直恨追女的陳慧琳（ Kelly），昨晚出席活動時，她雀躍公佈早前人工受孕的孖胎是女嬰，可喜可賀。 Kelly表示老公獲悉即將有兩名寶貝女，笑到蓮子蓉咁樣，生完孖女後，三個夠晒數， 38歲的 Kelly也宣佈肚皮可以收工。
其他娛樂名人影片
已有一子劉昇的潮媽陳慧琳，一直恨生女湊成個好字，早前人工受孕成功陀孖胎，懷有 4個多月身孕的她雖然深居簡出，但 Kelly仍有限度接 job，她昨晚挺着孖 B肚在尖沙嘴出席活動，興奮向傳媒公佈懷的是孖女，終於如願以償，難怪全程笑不攏嘴。
着高踭靴忌跳舞 放大圖片 
貪靚潮媽陳慧琳雖然懷胎逾四個月，但仍冒險穿着高踭短靴亮相。
Kelly昨晚悉心打扮現身，她穿上米色喱士短裙，依然貪靚腳踏高踭短靴，她昨晚公佈懷孖女喜訊後笑不停：「唔使再生，今次陀孖女，感覺同之前好唔同，我家超過四個月，個肚好似好贅，肚好快大咗好多。」問到生完孖女後，肚皮是否可以收工， Kelly百無禁忌說：「順利生出嚟先，三個仲生咩。」安胎期間， Kelly表示會繼續接 job，她說：「簡單嘅會做，錄音可以，但跳舞就咪預我。」 Kelly笑言平日不穿高踭鞋，但昨晚為靚靚才冒險犯禁，所以步步為營。Kelly大爆老公 Alex也恨女，她說：「老公聽到我陀女，佢蓮子蓉咁嘅樣，好開心，我哋第一胎都想生女，龍唔龍鳳胎都冇所謂，我哋都有一個仔，生兩個女咪仲好，唔使縱壞一個。」Kelly的長子改名劉昇（蝦餃仔），即將出世的孖女也會如胞兄一樣沿用單字，她說：「老公話單字名好型，但好難諗。」 1歲多的蝦餃仔仍未知即將做哥哥， Kelly說：「佢仲細，臨生前會同佢講，不過我家多咗時間陪佢，佢好開心，老公唔畀我抱佢，我有時會攬吓佢。」雖然距離預產期仍有數月，但 Kelly已開始搜購 B女的嬰兒床和奶樽等用品，可會給買孖女裝為囡囡扮靚，她說：「細個一樣樣都好得意。」
負荷較大容易攰 放大圖片 
陳慧琳表示蝦餃仔十分黐身，令她無暇扮靚出街，惟有多留在家中安胎。 資料圖片
自懷孕至今，肥 B唔肥媽的 Kelly體重增加了約十多磅，她日前檢查時，醫生指母嬰健康，她說：「醫生話 BB size好靚，好好。」不過孖 B負荷較大，令 Kelly很易疲倦，非常渴睡，她接受本報電話訪問時說：「有時喺屋企沙發，挨低都唔願起身。我有時間就爭取時間瞓覺，盡量休息多啲。」始終孕婦也需要適量運動舒展筋骨， Kelly在家安胎時，也會做輕量運動，她說：「我得閒會睇住錄影帶，一邊跟住做瑜伽，簡單拉吓筋。」Kelly為迎接盛夏出世的孖女，早前透露要騰空衣帽間改成嬰兒房，她近日坐言起行着手清衣櫃，並搬空兩個房間給孖 B備用，她有意把服飾拿出來作慈善義賣，既環保又可做善事，一舉兩得。 Kelly表示有待助手安排了場地，隨時有一批潮裝義賣。陀 B的 Kelly還要貼身照顧蝦餃仔，可謂分身乏術，對於日前被拍到打扮娘爆外出，她笑說：「家好忙，冇時間化妝扮靚，我有時想化妝出街，蝦餃仔就好黐身，搞到冇時間化妝就出街。」採訪：比華利、楊潔雯攝影：黃文成 
陳慧琳昨晚出席名車活動，穿上喱士短裙的她腹部微脹起，她表示懷着孖女肚子比較大，而且容易感到疲累。
食神傳說陳慧琳瘦媽肥 B餐單
陳慧琳懷孖女，身體所需自然要打孖上，為了容易吸收， Kelly每天食足 4餐，有過懷蝦餃仔的經驗，她今次繼續小心飲食，希望產後盡快收身。腹中的孖女令 Kelly口味轉變，她說：「我每日起身都想飲蜜糖水，特別鍾意食番茄，其他甜品同零食就全無興趣。」 Kelly更遵照醫生吩咐每天打孖食高鈣片，為孖 B補身。
早餐：蜜糖水 1杯鮮奶麥片/麥皮 1碗或番茄芝士/火腿蛋三文治 1份午餐：三文魚茶漬飯 1碗 配蔬菜 1份（炒烚均可）或沙律下午茶：番茄芝士/火腿蛋三文治 1份配生果（車厘子或士多啤梨）/鮮果汁 1杯晚餐：北菇蒸雞或梅菜蒸肉餅配白飯 1碗 蔬菜 1份另配滋潤湯水淮山杞子水鴨豬肉湯/響螺淮山杞子雞腳豬肉湯 
陳慧琳一向愛吃三文魚茶漬飯，為孖 B提供豐富營養。
娛樂資料庫：追生兵團
近年娛樂圈生仔喜事一宗接一宗，早前大美人李嘉欣誕下小 JM，為許家繼後香燈；已育有一子的潮媽陳慧琳，也如願以償於人工受孕下懷孖女，但不少圈中人仍想添丁。
樂基兒（ 30歲）
樂基兒自 08年與黎明結婚後，屢次傳出她懷孕的消息，不過屬流料，日前她雖表明仍未有意生 BB，不過將來造人不成功，便會考慮人工受孕。
Victoria（ 36歲） 放大圖片 
碧咸嫂 Victoria先後為丈夫誕下 Brooklyn、 Romeo和 Cruz三子， 36歲的她上月在 facebook公佈懷第四胎，盛傳胎兒是女。
王菲（ 41歲） 放大圖片 
王菲於 97年為前夫竇唯誕下女兒竇靖童， 05年與李亞鵬再婚後，翌年誕下女兒李嫣，據悉王菲一直渴望為李亞鵬添丁，可惜一直中空寶。
邱淑貞（ 42歲） 放大圖片 
99年嫁給 I.T時裝王國老闆沈嘉偉後，先後為老公誕下三女沈月及沈日和沈星，豆斗揚言絕不放棄造人計劃，誓要為老公追番個「慈姑椗」。
朱麗倩（ 44歲） 放大圖片 
朱麗倩於 08年與劉德華在美國拉斯維加斯秘密結婚，華仔一直恨做老竇，四出尋求生仔秘方，甚至計劃人工受孕，但至今仍未成功。
關詠荷（ 46歲） 放大圖片 
與丈夫張家輝育有 5歲女兒 Brittany，據悉她渴望為丈夫生個兒子，盛傳去年進行人工受孕，又搵中醫調理身體，希望一擊即中。資料來源：《蘋果》資料室 
樂基兒（左）
張智霖抗拒人工受孕
昨日張智霖及苗僑偉在尖沙嘴與陳慧琳（ Kelly）一同出席名車活動，據知袁詠儀（靚靚）一直恨追女，張智霖昨晚則自認是呷醋外父，偏心想生仔。
三哥怕做公公 放大圖片 
型佬苗僑偉表示女兒已 20歲，最怕她早生貴子，害他升呢做阿公。
張智霖謂和靚靚一樣，不會考慮人工受孕，他說：「唔會請教 Kelly喇，每個人都有自己唔同嘅睇法。」張智霖聽到 Kelly圓心願懷孖女，即說：「真係呢，呢個方法好慳時間，可以控制喺自己掌握之內，唔使患得患失。」苗僑偉（三哥）原來不知 Kelly大肚懷孖胎，當他聽到 Kelly親證懷孖女後說：「咁犀利？」 Kelly公開承認人工受孕，三哥更大嚇一跳：「吓！咁先進！我未聽過，等陣請教吓佢先。」問他是否想試，他即說：「唔係。我都可以接受（人工受孕），與時並進呀，不過我甩難，仔女都大。」苗僑偉指囡囡己經 20歲，但不想女兒太早生兒育女，笑言不想升級做公公。採訪：楊潔雯 攝影：黃文成 
一向愛玩車的張智霖昨晚出席名車活動，他獲悉陳慧琳陀孖女時即表態希望追多個仔。
留言列表
