娛樂八掛大分享☆

雷凱欣同葉山豪肉搏嘅 3D情慾電影《 3D肉蒲團之極樂寶鑑》將於 4月 14日上映，好多人都等住睇吓雷凱欣點樣喺大銀幕彈出佢嘅 36F豪乳，同埋究竟葉山豪同過百裸女床戰場面係咪咁震撼。其實日本 AV女星周防雪子赤裸胸壓葉山豪一幕，場面挑逗誘人，《 3D肉蒲團》製作人蕭定一為免到時宅男觀眾爭崩頭搶飛，噚日透過香港人網公佈預售戲飛詳情，蕭定一仲話下月 12日會再搞預售宣傳，到時雷凱欣唔止拋胸造勢，仲會向嚟排隊搶飛嘅頭 50位 fans送香吻答謝。

放大圖片

雷凱欣下月會向預購《 3D肉蒲團》嘅 fans送吻答謝。資料圖片

放大圖片

日本 AV女優周防雪子同男對手何華超有好多激烈床戲。

或送埋食物

拋胸派吻對雷凱欣嚟講冇難度，佢噚日喺電話說：「梗係冇問題，不過我哋都要視乎現場情況會唔會好混亂，我又擔心嚟排隊嘅 fans會辛苦，家諗緊到時會派啲食物招呼佢哋。」問廚藝唔錯嘅雷凱欣會親自煲愛心湯慰 fans嗎？佢話：「我有諗過 o架，但我屋企太細煲唔到咁多湯，搵到場地就冇問題。」雷凱欣話為咗衞生，到時派吻要隔住卡紙，如果索吻嘅係女生，雷凱欣仲話會賣大包送埋抱抱，但男生就只准由雷凱欣主動搭膊頭影相。


雷凱欣已開始積極為《 3D肉蒲團》宣傳， 36F咪咪又係時候密密出動。