旅行旅遊馬來西亞怡保大馬第一雞 @ 娛樂八掛大分享☆

各地政府都愛用地方特產作為城市象徵，加拿大有楓葉，香港有洋紫荊，有咩可以代表馬來西亞怡保？我會推薦……「雞」，皆因怡保雞美味到可以做親善大使。記者、攝影：蕭漢祥鳴謝：馬來西亞旅遊促進局（香港分局）、馬航假期、恆利旅運、 The Banjaran Hotsprings Retreat

鹽焗雞食完再拎上機

一講大馬美食天堂，霹靂州首府怡保真係數一數二，且大多數菜式都同「雞」有關。上回講過芽菜雞，不過鋒芒就被又肥又多汁的芽菜蓋過，今回「雞」終於擔正主角，首站 Michelle（盧覓雪）就帶大家去怡保瘋狂食「鹽焗雞」。雖然，跟各位讀者隔住份報紙都聽到少少噓聲，「鹽焗雞香港通街都係啦！」不過怡保鹽焗雞就是與別不同。試食兵團首領 Michelle，第一時間衝入店內，打開熱辣辣吸油紙，見鹽焗雞新鮮熱辣，即時羅茲威爾解剖外星人般用手撕開享用。第一啖感覺除了鹹鹹哋、充滿雞油及雞肉好滑之外，宴瓊林鹽焗雞店老闆林太更補充說：「怡保鹽焗雞做法，除了用澳洲粗鹽醃製，雞內裏還放入當歸等藥材，使鹽焗雞有補身作用。」這間 1987年開業，位列怡保第一間售賣鹽焗雞的食店，見證住鹽焗雞成功打響名堂，走出怡保。其原因不單止焗製技術的改良，紅外線大焗爐可以均勻地大量焗製，而且更引入真空包裝，讓遊客可以將鹽焗雞帶回老家。 Michelle喺舖頭食完大雞髀，還帶咗 N咁多隻急凍真空鹽焗雞上機，話同香港老友分享。

放大圖片

放大圖片
■鹽焗雞$42.5/隻

■鹽焗雞$42.5/隻

放大圖片
■紅外線大焗爐，一個鐘可以焗製 10隻鹽焗雞！

■紅外線大焗爐，一個鐘可以焗製 10隻鹽焗雞！

放大圖片
■店員密密開爐製作，但收銀台前的雞賣得更快。

■店員密密開爐製作，但收銀台前的雞賣得更快。

放大圖片
■店員多為親戚，阿妹（右）更做生招牌，以佢肖像製作人形宣傳板。

■店員多為親戚，阿妹（右）更做生招牌，以佢肖像製作人形宣傳板。

放大圖片
■除熱辣出爐外，仲有急凍真空裝鹽焗雞，方便收入行李帶上機。

■除熱辣出爐外，仲有急凍真空裝鹽焗雞，方便收入行李帶上機。

宴瓊林鹽焗雞

地址： No.24, Jalan Theatre, 30300 Ipoh, Perak

放大圖片

咖喱雞包皮不厚不薄放大圖片
■雞仔餅每日在工場新鮮製造，老闆估計每年賣過百萬包。

■雞仔餅每日在工場新鮮製造，老闆估計每年賣過百萬包。

除咗鹽焗雞， Michelle亦去到距離怡保市中心較遠的 Kampar，搵一位梁老闆整咗好大隻「咖喱雞」。梁先生有乜咁吸引，令 Michelle對呢隻咖喱雞異常興奮、手舞足蹈？（無誇張，睇佢相中的表情！）一到雜貨店，原來梁老闆事先已安排好一隻麪包雞，一般旅客則要最少一日前預訂才能品嚐到。梁先生話，製作麪包雞最難是，表面麪包外殼要不厚不薄，細火烤焗約 25分鐘，才會外脆內軟，內裏咖喱雞剛好熟透，咖喱汁又不會焗乾或漏出。製作難度高，將麪包雞開封亦唔易， Michelle好緊張地用剪刀慢慢剪開，以免刺穿內裏盛載着咖喱汁的包裝紙，咖喱汁都係精髓所在，漏了就太浪費。的確，麪包吸收了融合雞油的咖喱汁，入口香而辣得過癮！此店除了咖喱雞，其實早於 1975年開始出產的雞仔餅，才是最先跑出的產品。以前的雞仔餅，厚片，味鹹而油膩。古老口味不再受年輕人欣賞，老闆十年前將傳統雞仔餅改革，做出脆卜卜薄片雞仔餅，更用果仁、乾冬瓜取代傳統餡料，這個小食概念的薄片雞仔餅，果然大受歡迎。小記試食過都 like，口感如脆豬肉乾、齋鴨，最啱睇波配啤酒。

放大圖片