玩過好多公主育成遊戲，情節普遍欠驚喜！唔係要囡囡才智兼備，就係要入得廚房出得廳堂！悶？不如試玩 Namco Bandai新作《 AKB 1/48愛上偶像》；極度破格玩女追男， 48個 o架妹飛擒大咬要嗒你， PSP變揀女金魚缸問你點頂！記者：陳國輝
80分鐘真情告白
講到追女，唔少港仔都拍晒心口，但掉番轉頭俾女纏，睇怕 Edison都未必招架得住！遊戲可劃分為育成類別，但官方取名更貼切——終極的戀愛妄想遊戲。「妄想」呢個詞用得好，無論你高矮肥瘦，只要一落場，立即成萬人迷，仲勁過碧咸！你嘅責任並非扭盡六壬去追女，目標係喺 48位 o架妹當中，拒絕 47人！係玩家都想左擁右抱，不過唔好意思，你必須揀剩最後一人，先睇到 Happy Ending！《 AKB 1/48》雖然只出 PSP版，但感受似睇戲咁逼真，遊戲採用全真人出鏡進行，包括過萬張望住你含情脈脈嘅靚女相，最叫人欲拒還迎係各成員向你表白嘅片段，連同真人發聲，有 80分鐘咁長，若然你稍為定力唔夠，咁就 Game Over喇！
放大圖片 
■篠田麻里子嘅性感照又點止得一張。
放大圖片 
■前田敦子喺 AKB48中人氣度最高。
放大圖片 
■畫面與實照混為一體，令人難以區分。
放大圖片 
■ AKB48各成員隨時向你表白！
俾 48條女勁纏
如跟足一般育成 Game，學完劍道、又烹飪，唔悶死就奇！《 AKB 1/48》最過癮係將 PSP模擬成一部媾女電話，啟動遊戲、「電話簿」即時有齊 48位成員 Contact List，你想打俾邊個，約佢哋行街、睇戲、食飯，幾乎任你差遣。除通過約會增進感情，啲女仔仲會主動搵你，例如留 Voice Mail、 Send Email等向你表白；就算你 Delete咗佢，亦有死纏爛打嘅女仔，會嘗試搵你箍煲，所以話，玩呢隻 Game嘅成功要訣係：心腸夠硬！
放大圖片 
■「手機」支援相簿功能，可惜無合照。
放大圖片 
■當你拒絕某人嗰陣，佢個名就會消失。
限定版 追加 48人親吻戲 放大圖片 
■想買「頂級特別包」可能要等水貨。
遊戲會出多個版本，最矚目會係頂級特別包，除遊戲外，額外有三隻 DVD製作特輯、 48款遊戲封套、偶像寫真照，連唇印貼紙都有。暫知本港只推普通版（ UMD+1相）及「限期生產版」，後者內附一隻遊戲無收錄嘅影片 UMD，包括 AKB48訪談、表白片段及親吻影片（ 120分鐘），粉絲必儲！
Profile 放大圖片 
平台： PSP類型：終極的戀愛妄想遊戲製作： Namco Bandai玩家： 1人$398（普通版）$538（限期生產版） 
留言列表
