南華班主、BMA唱片公司話事人羅傑承瓣數多多，搞球隊、唱片公司、大牌檔……最近更不讓Neway獨霸K界，豪掟三億叉隻腳入去搞K場。羅傑承旗下歌手周國賢、周麗淇，南華球員陳肇麒、文彼得等趁新場「Red MR」正式營業前試玩新場，周國賢仲帶埋結他玩live show，個個都玩得好過癮，不過羅傑承話更勁嘅是他的秘密武器，「係時候要改寫流行歷史啦。」

南華K房
新場未正式開幕，羅傑承的一班球員、歌手已急不及待試玩。場內設有多間主題房，南華球員一到就衝入「南華主題房」，前鋒陳肇麒（陳七）第一時間拎咪點唱，「我鍾意唱曹格嘅歌，新嗰首《丑角》好好聽，所以最想試呢度啲音響設備。」坐在旁邊的中場李威廉就顧住睇電視播映的球賽，「呢間房有三部電視，可以播三場唔同嘅比賽，唔使爭波睇。」問他喜歡唱哪位歌手的歌曲？他說：「個個都會唱。」但後衞文彼得即刻篤爆：「佢最鍾意譚詠麟o架！」唱唱吓歌，中場的郭建邦及梁倬軒突然間癮起，拎個足球出嚟露兩手，郭建邦邊控球邊說：「南華房感覺好親切。」


周國賢及周麗淇則在另一間主題房唱歌，這間房最特別就是有小型舞台，二人一入房便上台擘大喉嚨唱，周國賢更拿出木結他玩live show，雖然歌手經常要唱歌，但閒時他們都會到卡拉OK娛樂一番，而且各自都會有小習慣，周國賢說：「陳奕迅、周杰倫同張震嶽嘅歌一定會唱，同埋一定會自備私家咪，每次唱完周杰倫嘅《黑色幽默》就會走，所以有時啲朋友會專登點《黑色幽默》，叫我唱完好快啲走，哈哈。」至於周麗淇，以前喜歡唱K，試過由下午開始唱到翌晨，但現在反而喜歡一班朋友gathering的感覺，「而家去唱K係為睇台灣嘅MV，前排同朋友喪睇光良首《童話》，臨走之前一定會點啲medley嚟唱，唱到high high哋咁走。」

革新K場
搞卡拉OK，羅傑承直認是因為「好油水」，「舊年十二月加州紅搵過我，但最後Neway俾咗個更高嘅價錢。之後舊加州紅同事問我有冇興趣搞新場，我又諗到新元素，所以就搞。」新元素其實是一張類似iPad的枱，「我哋同Microsoft合作發展呢樣嘢，玩法好似iPad，但就係Multi-touch，可以同時幾個人喺張枱上面嘅任何角落做唔同嘅嘢，好似上網、睇戲、點歌、玩game等，類似Tom Cruise套Minority Report入面部電腦。」羅傑承越講越興奮，「張枱仲可以玩骰盅，只要用手扮骰盅喺枱上面搖就得，係咪好正先？」羅傑承說這張E table是他的撒手鐧，單是枱價已三十萬，軟件又要十六萬一個，預算明年四月每間房都會有張E table。擁有八級鋼琴造詣的波牛梁倬軒平時亦喜愛唱K，對點歌介面特別感興趣，「佢點歌嘅介面好正，好似iPad咁，都未玩過。」


促成Microsoft同羅傑承合作，梁芷珊居功不小，因為整件事由她line up，她說：「其實好多人去K都唔唱o架啦，十個人有六、七個你要做到樣嘢係娛樂到佢哋，我覺得呢個先係未來的趨向。」他們野心勃勃地打算反轉K場大改革，「係時候需要一個轉變，改寫流行（歷史）。」


羅傑承（左二）說（左起）文彼得、陳肇麒、李威廉及郭建邦等唱得好過歌星，於是組隊成「紅色力量」出碟，不過主要是為慈善及推廣足球。


加冰定淨飲？（設計對白）
以為陳七（右）和文彼得在溝Brandy Coke，點知佢哋話：「有時我哋都飲酒，不過今次純粹可樂加冰。」


梁倬軒癮起玩控球，即刻俾人噓，「唔好遮住個熒幕。」


羅傑承喜歡食串燒，K場亦以日式爐端燒作特色食物。


其中一間主題房有3D、環迴立體聲影音設備，梁芷珊一到場即拖埋老公率先試睇，「嘩，真係有啲暈。」


唔啱key呀！（設計對白）
周國賢在小舞台彈結他，為周麗淇做人肉卡拉OK伴奏。


秘密武器
這張可點歌、上網、打game的E table，是微軟與羅傑承合作的產品，東南亞使用權暫時由羅獨家擁有。



arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄