31歲嘅陳敏之近月在主持《為食一條街》時，被發現口腫面腫，似足當年患甲狀腺病嘅鄭秀文。但本刊收到消息，敏之所患其實是淋巴炎，現時她已停工，攞長假醫病。
停工醫病事小，婚期延期事大。據知敏之原定明年初，秘密與拍拖4年多的商人男友William拉埋天窗，今次忽然染病令敏之陣腳大亂，為當最靚新娘，逼不得已將婚期延至明年4月。


陳敏之拍劇多年，今年總算幹出點成績，但卻頭頭碰着黑。年初她因拍《公主嫁到》頭飾太重而頸椎移位，之後拍《怒火街頭》又跣腳撞裂鎖骨。到近日當《為食一條街》主持，又忽然口腫面腫如同發水麵包，被傳患上甲狀腺病。
不過劇組透露她患的是淋巴發炎，「佢面腫係因為淋巴發炎，而且幾嚴重，根本上唔到鏡，所以同公司請長假，《為食一條街》餘下嘅集數就由高海寧頂晒。依家敏之日日匿喺屋企唔敢見人，連朋友電話都唔接，心情好低落。」
不過凡事總有得有失。敏之今次失卻主持機會，但其商人男友William對她極其愛護，除了陪她看病，見她心情跌落谷底，早前更帶她出埠旅行散心。知情人說：「敏之好保護呢段感情，就算朋友都唔講男友背景，淨係話男友做生意。佢哋拍咗拖4年幾，已經好穩定，原本打算出年年頭喺香港秘密結婚，但依家敏之塊面腫過豬頭，佢唔想咁嘅狀態做新娘，惟有將婚期延至4月或5月，一切視乎治病嘅進度而定。」


記者致電敏之欲了解病情，但截稿前仍未獲她回覆，而她的經理人Gary說：「佢同我講係之前整親鎖骨，要食藥控制病情，依家出現藥物反應，佢希望多休息會快啲好，打算12月底復工。（佢係咪打算出年結婚？)我冇聽過。不過就算佢要結婚，都唔會影響合約嘅。」

毒素堵塞致發炎
家庭醫生關嘉美表示：「淋巴全身都有，如果有問題，一係發炎，一係淋巴癌。如果係癌，通常睇唔出，出現腫脹現象通常係發炎。淋巴作用係吸收體內毒素，如果唔夠瞓，飲食習慣唔好，都會令毒素塞住喺淋巴，之後就會發炎。淋巴炎嘅醫治方法係打抗生素同做按摩，至於治療期就視乎病情而定，輕微幾日可以好番，嚴重嘅就要較長時間。」


感情事向來低調的陳敏之，從不承認有拖拍，就算計劃明年與William結婚，知道的人亦很少。第 801 期 大乜週刊 圖片


變發水麵包
有份與少年食神Michael主持無綫飲食節目《為食一條街》的陳敏之，因為患了淋巴炎，面部明顯發脹。



陳敏之與男友William感情穩定。09年1月陳敏之30歲生日，男友在夜店為她舉行派對慶祝。


arrow
arrow
    全站熱搜

    stacy4life 發表在 痞客邦 留言(0) 人氣()

    E-mail轉寄