娛樂八掛大分享☆

李思捷喺《福祿壽》惡搞陳偉霆（ William），將佢首《 Taxi》改版做《 Twinz》，入面嘅歌詞抵死啜核，寸爆 William同阿 Sa呢段姊弟戀，最抵死係好多網友睇完激讚，段片上載咗幾日，點擊率接近 15萬，直頭 hit爆 Facebook同 Youtube。

「佢唔了解我」

不過當事人 William就唔多鍾意，噚日佢同江若琳、呂慧儀等一班藝人出席《歡樂滿東華》記招，講到李思捷扮佢扮到出神入化，一開始佢都表現大方，話冇唔開心，仲有興趣睇吓個 MV：「冇問題，個節目都係娛樂性質，最緊要大家睇得開心。」呢個節目係無綫出品， William有苦自己知，想嬲都唔敢嬲出面喇！佢樂樂大方咁話：「唔關事，我都鍾意睇《福祿壽》。」講到歌詞暗指 William鍾意阿 Sa結過婚又有金，仲一齊玩腳趾， Sa姐又愛 call班狗仔隊等等， William終於忍唔住笑住反擊：「我同李思捷唔熟，我覺得佢唔係幾了解我，係咪惡意中傷都要返去睇吓先知！」

放大圖片

陳偉霆話李思捷要扮佢，啲舞一定要跳得好。

放大圖片

同阿 Sa嘅戀情被擺上枱，陳偉霆好似唔多鍾意。資料圖片

呼籲唔好再玩 放大圖片

李思捷嘅《 Twinz》 MV點擊率勁升。資料圖片

自認跳舞勁嘅 William仲不忘揶揄李思捷：「如果佢扮我的話，我覺得佢跳舞要好好！」最後 William留言叫李思捷唔好追住佢玩，一次就夠喇！佢話：「我都唔想再回應咁多！」


江若琳着上紅色裙現身《東華》記者會，非常醒神。