我肯定冇掂呢啲嘢！（真實對白）
上週一(1日)，郭詩琳氣定神閒話自己：「我肯定唔掂呢啲嘢！」又表示是誰惡意中傷心中有數。
奀模郭思琳出道 8年，整過容又主持過成人節目，撈極冇起色潛水兩年，直至上月尾被週刊圖文並茂踢爆在崔建邦西貢村屋過夜，借崔建邦過橋再次浮上面。
諗住今鋪有機翻生，但早前本刊收到神秘報料電話，指郭思琳三個月前到澳門，因為身藏毒品被澳門海關扣查。搞到咁大件事，郭思琳一見記者有備而來：「我知邊個屈我，係我同前男朋友嘅契細佬呀嘛！」
兩個月前，一位自稱是郭思琳前度男友的張先生報料，因不忿被郭騙錢騙感情而爆料說：「今年六月郭思琳去澳門玩，被海關發現身上藏有 K仔同 Fing頭丸，即時被扣留。本來咁多毒品要坐監，郭思琳搵澳門嘅有勢力人士疏通，結果罰款了事！我有當日法官份判詞作證，佢仲有好多衰嘢爆，約出嚟先講啦！」結果記者與他約好時間見面，張先生卻不見人影、電話亦無法再接通。
前度亂爆
上週一（ 1日）郭思琳出席遊戲活動，記者提起藏毒一事，郭思琳解釋：「我肯定冇掂呢啲嘢……我諗到邊個屈我，佢姓鄭係我前男友嘅契細佬，周圍亂講話係我契細佬，借我名偷呃拐騙，成日都話自己媽咪生癌問人借錢，但係佢媽咪親口同我講自己冇病，話當冇生過佢呢個仔……我開頭都信佢，結果俾佢呃咗十幾萬，已經報咗警備案！」咁你搵得多過崔建邦喎！
變臉選港姐
現年 23歲的郭思琳，早於 02年已經入行為雜誌報章做兼職模特兒，成年後又做過 Now TV成人台節目主持。 07年簽約成為蕭定一旗下藝人，並且報名參加港姐，一度被傳媒封為「翻版李嘉欣」成為大熱。結果卻被網友公布早年模特兒照片，揭發大執眼耳口鼻，港姐面試首輪被 out。其後郭思琳歸咎於是蕭定一令其與整容扯上關係，要求解約。之後工作零星，難怪屢敗屢戰的郭思琳開始變陣黐崔建邦。
07年郭思琳走去選港姐，可惜被傳媒搵番佢個舊樣（小圖）而被指整容，最後郭思琳亦於首輪被 out。
留言列表
