胡琳 Bianca 小琳揀 Audi TTS　吾曳吾愛 @ 娛樂八掛大分享☆

最近聽到有女歌星翻唱劉德華的《他的女人》，深深被這把悠揚悅耳的女聲吸引，再聽真點，原來是胡琳（ Bianca）。一出道已被標籤靚聲王，可惜星途不算順利，慶幸她暗藏反叛性格，不願屈服愛曳曳，她揀了 Audi TTS做拍檔，並直呼：「它就是我找男友的標準，因為夠曳！」記者：許維雅攝影：陳陶鈞

其他副刊影片翻唱金曲猶如征服放大圖片
■特別鍾情 Audi TTS，全因它臀部圓圓地夠 Cute又 Sexy。

■特別鍾情 Audi TTS，全因它臀部圓圓地夠 Cute又 Sexy。

Bianca一出道已被讚是唱得之人，可惜星運平平，她今年決意求變，轉公司後改名小琳，再推出新專輯《 JAZZ THEM UP》翻唱四大天王金曲。翻唱金曲已難，仲要唱男人歌，是不是要向眾人宣示自己的實力？「以前有個製作人提出翻唱四大天王嘅歌，起初我好失望好迷惘，因無信心唱好經典金曲。直至上年因合約問題停工半年，飛返紐約同當地一班出色嘅 Jazz音樂人灌錄咗呢隻碟，真係好多謝當時嗰位製作人嘅 Idea。」記者亦聽過這隻碟，感到小琳擺脫別人影子，唱出另一番味道，「錄完碟後感覺好似征服咗一樣嘢，道理就好似架車性能好，而你又係一個技術好嘅車手，就毫無疑問可發揮到車嘅優點。」

揀車揀男友都要曳放大圖片
■不經意擺個曳樣出來，小琳話較鍾意銀色車身。

■不經意擺個曳樣出來，小琳話較鍾意銀色車身。

一手包辦灌碟再與唱片公司傾約，看到小琳對唱歌的一份執着，亦感受到她野性反叛的一面，她都不諱言自己是一個曳人，「雖然我未有車牌，但成日坐朋友所揸的快車，好享受嗰種刺激感，嗰種推背感好玩到令我不停尖叫，好鬼興奮！」愛辣車的她揀 Audi TTS Coupe 2.0TFSI Quattro亦有因由，「我鍾意跑款但又要個樣 Cute Cute哋，林寶同拉利感覺太男性化， Audi TTS啱女仔，特別鍾意圓碌碌嘅 Pat Pat，可愛得嚟又有少少 Sexy。」估不到斯文的小琳，揀車揀男友都是唔曳唔愛，「今日第一次認真由頭望到尾，覺得佢對眼有少少翹起（頭燈），個口好似笑到露棚牙出嚟（鬼面罩），個樣好鬼曳，曳得來又有少少反叛，就係我揀男友嘅標準呀！我誠邀揸 Audi TTS嘅人做朋友。」儍大姐不求遠大理想，但求開心的性格貫徹她對歌唱事業不順的看法，「搵到知音人已足夠，紅係 Bonus嚟嘅啫！」

放大圖片
■跑車桶椅承托力十足。