黎明新寵JW曝光後,一直有傳衞蘭(Janice)因為性格孤僻難服侍,慘被打入冷宮。不過,近日衞蘭明顯玩埋堆,約埋公司高層齊齊食Pizza有講有笑,平日乜都慳的她居然搶住埋單找數。據知,自從信教後,衞蘭已走出「衞詩事件」陰影,甚至開竅願意踏出一步,同高層多啲接觸,修補關係。

妹妹拖累
備受力捧的十九歲Amusic新人JW,上週六(七月廿四日)終於開騷現出真身。據了解,深得老闆黎明寵愛的JW,音樂方面有雷頌德支持,形象打扮又有樂基兒幫手做統籌,外界一直有傳Amusic一姐衞蘭,地位將受到威脅。事實上,自從妹妹衞詩發生藏毒事件,原本性格開朗的衞蘭,突然變成「孤獨精」,跟同事之間關係更大不如前。
「自從妹妹衞詩被公司炒魷,Janice每次返到公司都好少出聲,性格變得孤僻,可能Janice以為個個都唔幫佢,實情係佢封鎖咗自己,都唔知點幫!不過自從信咗教,佢開始有番啲笑容,會同同事有講有笑。」衞蘭身邊人說。

搶住埋單
上週五下午(二十三日),衞蘭與公司高層王凱文、張家封(阿Lay)以及另一位女同事,齊齊到意大利餐廳開餐。其間,衞蘭不時和阿Lay有講有笑,又拿着手機一齊玩。食飽埋單,Janice一手搶去賬單細心檢視,之後拿出信用卡找數請客。
「衞蘭要孭起成頭家,習慣做慳妹,今次肯破例請班高層食晏,一來為咗傾十月演唱會啲嘢,度吓橋;二來係想同佢哋傾多啲偈,改善關係,Janice都明白阿Lay同班同事都好幫手,以前只係自己諗埋一邊啫!」
衞蘭去年賣碟成績理想,甚至勇奪唱片銷量大獎,即使黎明要力捧師妹JW,但在週六晚的音樂會上,仍特別安排二人合唱,可見老闆無顧此失彼。

賣碟天后
現年28歲,集中菲韓血統的衞蘭(Janice),因幫黎明唱和音而被雷頌德發掘。屬巨肺一族的她,05年甫出道,翻唱黎明金曲旋即走紅,至今共推出過6張唱片,代表作包括《心亂如麻》、《陰天假期》、《就算世界無童話》等熱播K歌。其後受到胞妹衞詩(Jill)藏毒案影響,令事業一度下滑,但Janice卻保得住唱片成績,年初更撼贏容祖兒、楊千嬅、謝安琪等天后,勇奪09年度IFPI最高銷量本地女歌手獎。


呢餐我請!(設計對白)


衞蘭日前專登返公司,請一班同事在附近的餐廳食晏。


去年底,衞蘭(右二)初次拍戲,老闆黎明(左二)還專程去片場探班打氣。


衞蘭跟衞詩姊妹情深,Jill出事後,衞蘭亦一度變成孤獨精,鮮與人溝通。


Janice Man跟樂基兒孖住到場,更在音樂會中不斷揮動熒光棒。


JW處女騷,黎明不單由頭坐到尾助陣,更上台表演支持。


JW第一個騷「掛念好友音樂會」,即將開個唱的衞蘭跟雷頌德都有出席撐場。

arrow
arrow
    全站熱搜

    stacy4life 發表在 痞客邦 留言(0) 人氣()